બેંગલુરુઃ એશિયા કપ-2023 ક્રિકેટ સ્પર્ધા શરૂ થવાને થોડાક જ દિવસ બાકી રહ્યા છે. તે પૂર્વે ભારતના ખેલાડીઓની ફિટનેસ અને સુસજ્જતાની ટેસ્ટ લેવામાં આવી રહી છે. સ્પર્ધા માટે પસંદ કરાયેલા ખેલાડીઓ માટે હાલમાં જ યો-યો ટેસ્ટ કરવામાં આવી હતી. તેમાં સ્ટાર બેટર અને ભૂતપૂર્વ કેપ્ટન વિરાટ કોહલીને સૌથી ઉત્તમ માર્ક્સ મળ્યા છે.
કોહલીએ ઈન્સ્ટાગ્રામ પર એક પોસ્ટ મૂકીને આ વિશે જાણકારી આપી છે. યો-યો ટેસ્ટમાં પોતે 17.2 માર્ક્સ સાથે પાસ થયો છે. આ ટેસ્ટ પાસ થવા માટે ખેલાડીઓએ ઓછામાં ઓછા 17.1 પોઈન્ટ્સ સ્કોર કરવા જરૂરી હોય છે. કોહલીએ તેની પોસ્ટમાં લખ્યું છે કે, યો-યો ટેસ્ટ 17.2 પોઈન્ટ્સ સાથે પાસ કરવામાં એને ખૂબ આનંદ થયો છે.
બીસીસીઆઈના ઉપક્રમે આ યો-યો સ્પર્ધા બેંગલુરુમાં ચાલી રહી છે.
