પેરિસ – ક્લે કોર્ટના બાદશાહ રાફેલ નડાલે આજે અહીં મેન્સ સિંગલ્સ ફાઈનલમાં ડોમિનીક થીમને સીધા ત્રણ સેટની રમતમાં હરાવીને ફ્રેન્ચ ઓપન ગ્રાન્ડ સ્લેમ વિજેતાપદ જીતી લીધું હતું.
સ્પેનના ધુરંધર નડાલે કારકિર્દીમાં આ 11મી વાર ફ્રેન્ચ ઓપન ટાઈટલ જીત્યું છે. એણે ઓસ્ટ્રિયાના થીમને 6-4, 6-3, 6-2થી પરાજય આપ્યો હતો. નડાલ મેચની શરૂઆતથી જ વર્ચસ્વ જમાવવામાં સફળ રહ્યો હતો.
વર્લ્ડ નંબર-1 નડાલનું આ કુલ 17મું ગ્રાન્ડ સ્લેમ વિજેતાપદ છે.
સ્વિટ્ઝરલેન્ડના રોજર ફેડરરે કુલ 20 મોટા વિજેતાપદ જીત્યા છે.
નડાલનો આ સતત છઠ્ઠો ગ્રાન્ડ સ્લેમ વિજય છે.
