મુંબઈઃ ક્રિકેટની રમત ઓલિમ્પિક રમતોત્સવનો સત્તાવાર રીતે એક હિસ્સો બની ગઈ છે. આંતરરાષ્ટ્રીય ઓલિમ્પિક એસોસિએશને આપેલી માન્યતાને પગલે 2028ની સાલમાં અમેરિકાના લોસ એન્જેલીસ શહેરમાં યોજાનાર ઓલિમ્પિક ગેમ્સમાં ક્રિકેટની રમતનો સમાવેશ કરાશે. આશરે 128 વર્ષ પછી ઓલિમ્પિક્સમાં ક્રિકેટનો પણ જાદૂ જોવા મળશે. પરંતુ એ સ્પર્ધામાં રમવાનું ભારતના કેપ્ટન રોહિત શર્મા, વિરાટ કોહલી, રવીન્દ્ર જાડેજા, સૂર્યકુમાર યાદવ જેવા ખેલાડીઓ માટે કઠિન છે.
વધતી ઉંમરને કારણે ભારતના અનેક સ્ટાર ક્રિકેટરો લોસ એન્જેલિસ 2028 ઓલિમ્પિક્સમાં રમી નહીં શકે. ત્યાં સુધીમાં હાલના અનેક ભારતીય ખેલાડીઓ કાં તો ક્રિકેટની રમતને અલવિદા કરી ચૂક્યા હશે અથવા નિવૃત્તિની નિકટ આવી ગયા હશે. રોહિત શર્માની ઉંમર હાલ 36 વર્ષ છે. 2028ની ઓલિમ્પિક્સ વખતે એ 41 વર્ષનો હશે. તે સ્થિતિમાં એને માટે ઓલિમ્પિક્સમાં રમવાનું મુશ્કેલ બનશે. એવી જ રીતે, વિરાટ કોહલી હાલ 34 વર્ષનો છે અને લોસ એન્જેલિસ ઓલિમ્પિક્સમાં રમવાનું તેને માટે પણ કઠિન બનશે. રવીન્દ્ર જાડેજા હાલ 34 વર્ષનો અને સૂર્યકુમાર યાદવ 33 વર્ષનો છે.
ઓલિમ્પિક-2028 વખતે ભારતીય ખેલાડીઓની ઉંમર આ હશેઃ
રોહિત શર્મા – 40 વર્ષ
વિરાટ કોહલી – 38 વર્ષ
સૂર્યકુમાર યાદવ – 37 વર્ષ
શુભમન ગિલ – 28 વર્ષ
જસપ્રિત બુમરાહ – 33 વર્ષ
હાર્દિક પંડ્યા – 34 વર્ષ
કુલદીપ યાદવ – 32 વર્ષ
મોહમ્મદ સિરાજ – 33 વર્ષ
રિષભ પંત – 30 વર્ષ
રવીન્દ્ર જાડેજા – 38 વર્ષ
