IPL 2025: જેમ જેમ IPL નજીક આવી રહ્યો છે. તેમ તેમ ચાહકોમાં ઉત્સાહ પણ વધી રહ્યો છે. આ વચ્ચે અવાર નવાર IPLની ટીમો લગતા સમાચાર ઉત્સુક્તામાં પણ વધારો કરી રહ્યા છે. કોલકાત નાઈટ રાઈડર્સે ઈન્ડિયન પ્રીમિયર લીગ -2025ની સિઝનની શરૂઆતામાં મોટી જાહેરાત કરી છે. કેકેઆરે ટીમના નવા કેપ્ટન તરીકે અજિંક્ય રહાણે અને વાઈસ કેપ્ટન તરીકે વેંકટેશ ઐય્યરના નામની જાહેરાત કરી છે.
IPLમાં અત્યાર સુધી રમાયેલી સિઝન અને મેચોમાં અજિંક્ય રહાણે કેકેઆરના 9માં સુકાની છે. તેના પહેલા સૌરવ ગાંગુલીએ 27 મેચમાં, બ્રેડન મૈક્કુલમ 13 મેચમાં, ગૌતમ ગંભીર 122 મેચમાં, જેક્સ કાલીસ બે મેચમાં, દિનેશ કાર્તિક 37 મેચમાં, ઈયોન મોર્ગન 24 મેચમાં, શ્રેયસ ઐય્યર 29 મેચમાં અને નીતીશ રાણા 14 મેચમાં કેપ્ટનશીપ નિભાવી હતી. આઈપીએલની અગાઉની સિઝનમાં રહાણે ચેન્નાઈ સુપર કિંગ્સ (CSK) તરફથી રમ્યો હતો. ફ્રેન્ચાઈઝીએ તેને રિલિઝ કરી દીધો હતો. આવી સ્થિતિમાં કોલકાતાના ફ્રેન્ચાઈઝીએ આઈપીએલ-2025ના મેગા ઓક્શનમાં રહાણેને બેઝ પ્રાઈઝ પર ખરીદ્યો છે. તેમની બેઝ પ્રાઈઝ 1.50 કરોડ રૂપિયા હતી. બીજીતરફ કેકેઆરએ વેંકટેશ ઐય્યરને વાઈસ કેપ્ટન બનાવ્યો છે. ઐય્યર સતત કેકેઆરની ટીમમાં જ રમી રહ્યો છે. જોકે ફ્રેન્ચાઈઝીએ ગત સિઝનમાં તેને રિલિઝ કરી દીધો હતો અને હવે મેગા ઓક્શમાં તેને ફરી ખરીદ્યો છે. કોલકાતાએ વેંકટેશને ફરી ખરીદવા માટે 23.75 કરોડ રૂપિયા ખર્ચ કર્યા છે. આમ વર્તમાન સિઝનમાં કેકેઆરની ટીમમાં વેંકટેશ જ સૌથી મોઘો ખેલાડી છે.
