નવી દિલ્હીઃ વર્લ્ડ કપ 2023માં બે દિવસમાં બે મોટા ઊલટફેર જોવા મળ્યા છે. નેધરલેન્ડસને દક્ષિણ આફ્રિકાને 38 રનથી માત આપીને આ ટુર્નામેન્ટનો મોટો અપસેટ સર્જ્યો છે. 43 ઓવરની આ મેચમાં નેધલેન્ડસે પહેલાં બેટિંગ કરતાં દક્ષિણ આફ્રિકાને 246 રનનો લક્ષ્યાંક આપ્યો હતો. એના જવાબમાં દક્ષિણ આફ્રિકાની ટીમ 42.5 ઓવરમાં 207 રન પર ઓલઆઉટ થઈ ગઈ હતી.
નેધરલેન્ડ્સની આ જીતમાં બોલર પોલ વેન મિકેરને મહત્ત્વની ભૂમિકા ભજવી હતી. તેણે નવ ઓવરની બોલિંગમાં બે વિકેટ લીધી હતી. મિકેરેને એડન માર્કરમ અને માર્કો જોન્સનને આઉટ કર્યા હતા, જે ક્યારેય પણ બેટિંગથી મેચનું પાસું પલટી શકે છે. મિકેરનેની બોલિંગે નેધરલેન્ડ્સની જીત સરળ કરી દીધી હતી. આ દેખાવ પછી ચારે બાજુ મિકેરનની ચર્ચા થઈ રહી છે.
Should’ve been playing cricket today 😏😢 now I’m delivering Uber eats to get through the winter months!! Funny how things change hahaha keep smiling people 😁 https://t.co/kwVEIo6We9
— Paul van Meekeren (@paulvanmeekeren) November 15, 2020
પોલ વૈન મિકેરનની જૂની સ્ટોરી સોશિયલ મિડિયા પર વાઇરલ થઈ રહી છે. આ ક્રિકેટર બે વર્ષ પહેલાં ફૂડ ડિલિવરી કરતો હતો. મિકેરને નવેમ્બર, 2020માં એ વાતનો ખુલાસો કર્યો હતો કે તે કોરોના રોગચાળાને કારણે ઉબર ઇટ્સમાં ફૂડ ડિલિવરી કરવા માટે મજબૂતર હતો. તેણે ટ્વીટમાં કહ્યું હતું કે ક્રિકેટ રમવું જોઈતું હતું. હવે વિન્ટરમાં બચવા માટે ઉબર ઇટ્સમાં ફૂડ ડિલિવરી કરી રહ્યો છું.
તેણે ઓક્ટોબર, 2020માં એ કામ શરૂ કર્યું હતું, જ્યારે કોરોના રોગચાળાને કારણે ભારતમાં રમાનારા T20 વર્લ્ડ કપને સ્થગિત કરી દેવામાં આવ્યો હતો. એ ટુર્નામમેન્ટ UAEમાં આયોજિત કરવામાં આવ્યો હતો. તેણે વર્લ્ડ કપની મેચમાં ટીમને જીત અપાવવા માટે મહત્ત્વની ભૂમિકા ભજવી હતી.
