મુંબઈ: શાહરૂખ ખાનની તબિયત 21 મેના રોજ બગડી હતી. આઈપીએલ મેચ દરમિયાન કોલકાતા નાઈટ રાઈડર્સને સપોર્ટ કરવા તે અમદાવાદ પહોંચ્યા હતા. જ્યાં ગરમીના કારણે તેમની તબિયત લથડતા તેમને તાત્કાલિક હોસ્પિટલમાં દાખલ કરવામાં આવ્યા હતા. અને બાદમાં તેને રજા આપવામાં આવી હતી. હવે સમાચાર છે કે ફરી એકવાર તેને મેડિકલ ટ્રીટમેન્ટ માટે હોસ્પિટલમાં જવું પડશે.
‘બોલિવૂડ હંગામા’ના રિપોર્ટ અનુસાર, શાહરૂખ ખાનને આંખની સારવાર માટે અમેરિકા જવું પડી શકે છે. કારણ કે મુંબઈમાં સારવાર ઉપલબ્ધ નથી. રિપોર્ટ અનુસાર અભિનેતા 30 જુલાઈ, મંગળવારે UA જવા રવાના થઈ શકે છે. એક સૂત્રના હવાલાથી કહેવામાં આવ્યું છે કે,’શાહરૂખ ખાન સોમવારે, 29 જુલાઈના રોજ આંખની સારવાર માટે મુંબઈની એક હોસ્પિટલમાં ગયો હતો. પરંતુ અહીં વસ્તુઓ કામ કરી શકી નહીં, તેથી તેને સારવાર માટે અમેરિકા લઈ જવામાં આવશે. જો કે, કઈ આંખમાં એવું શું થયું છે કે તેમને ત્યાં સારવાર માટે જવું પડશે તે સૂત્રએ જણાવ્યું નથી.
શાહરૂખ ખાન IPL ટીમ કોલકાતા નાઈટ રાઈડર્સનો માલિક છે. તે અમદાવાદના નરેન્દ્ર મોદી સ્ટેડિયમમાં મેચ દરમિયાન જોવા મળ્યા હતા. જ્યાં ફિનાલે પહેલા તેમની તબિયત બગડતાં તેમને અમદાવાદની કેડી હોસ્પિટલમાં દાખલ કરવામાં આવ્યા હતા. કારણ કે તે ડિહાઇડ્રેટેડ હતો. ત્યારબાદ તેની મિત્ર જૂહી ચાવલાએ તેની હેલ્થ અપડેટ શેર કરી.
શાહરૂખ ખાનના વર્ક ફ્રન્ટની વાત કરીએ તો, તેણે પાંચ વર્ષ પછી સ્ક્રીન પર કમબેક કર્યું છે. તેમની ત્રણ ફિલ્મો 2023માં રિલીઝ થઈ હતી – પઠાણ, જવાન અને ડાંકી. આ ત્રણેએ બોક્સ ઓફિસ પર સારું પ્રદર્શન કર્યું હતું. હવે તે સુજોય ઘોષની ફિલ્મ ‘કિંગ’માં પુત્રી સુહાના ખાન સાથે જોવા મળશે, જેનું તે શૂટિંગ કરી રહ્યો છે. આમાં અભિષેક બચ્ચન વિલન હશે.
