મુંબઈઃ મુંબઈસ્થિત મશહૂર લીલાવતી હોસ્પિટલનું સંચાલન કરતા હાલના ટ્રસ્ટીઓએ હોસ્પિટલના ભૂતપૂર્વ ટ્રસ્ટીઓ અને અન્ય સંબંધિત વ્યક્તિઓએ રૂ. 1500 કરોડ ચાંઉ કર્યાનો આરોપ લગાવ્યો છે. લીલાવતી કીર્તિલાલ મહેતા ટ્રસ્ટે (LKMM)એ સંબંધમાં આ સંબંધે એન્ફોર્સમેન્ટ (ED) અનેબાંદરા પોલીસ સ્ટેશનમાં અલગ-અલગ ફરિયાદો નોંધાવી છે. આ ફરિયાદમાં એ પણ દાવો કરવામાં આવ્યો છે કે હોસ્પિટલના પ્રાંગણમાં ભૂતપૂર્વ ટ્રસ્ટીઓ અને સંબંધિત વ્યક્તિઓ દ્વારા કાળો જાદુ કરવામાં આવ્યો હતો.
હોસ્પિટલના નાણાકીય રેકોર્ડ્સના ફોરેન્સિક ઓડિટ દરમિયાન ખુલ્લી થયેલી ગેરરીતિએ ટ્રસ્ટની કામગીરી અને બાંદ્રા વિસ્તારમાં સ્થિત પ્રીમિયર ખાનગી તબીબી સુવિધા દ્વારા પૂરી પાડવામાં આવતી આરોગ્ય સેવાઓને અસર કરી છે.
LKMMT ના કાયમી નિવાસી ટ્રસ્ટી પ્રશાંત મહેતાએ જણાવ્યું હતું કે અમે ફરિયાદો નોંધાવી હતી, જે બાંદ્રા મેજિસ્ટ્રેટ કોર્ટના આદેશને કારણે FIRમાં પરિવર્તિત થઈ હતી. પૂર્વ ટ્રસ્ટીઓ અને અન્ય સંબંધિત વ્યક્તિઓ સામે ત્રણથી વધુ FIR દાખલ કરવામાં આવી છે. આ વ્યક્તિઓ સામેની ચોથી કાર્યવાહી હવે મેજિસ્ટ્રેટ સમક્ષ પેન્ડિંગ છે, જે કાળા જાદુ અને ગૂઢ પ્રથાઓ માટે બાંદ્રા પોલીસ સ્ટેશનમાં નોંધાયેલી અમારી ફરિયાદ પર આધારિત છે. બાંદ્રા મેજિસ્ટ્રેટ કોર્ટે આ લોકો સામે તપાસનો આદેશ આપ્યો છે. અમે લીલાવતી કીર્તિલાલ મહેતા મેડિકલ ટ્રસ્ટની અખંડિતતાને સુનિશ્ચિત કરવા અને જાળવવા માટે પ્રતિબદ્ધ છીએ.
લીલાવતી કીર્તિલાલ મહેતા મેડિકલ ટ્રસ્ટ દ્વારા 1997માં લીલાવતી હોસ્પિટલની સ્થાપના કરવામાં આવી હતી. આ હોસ્પિટલનું નામ હીરા ઉદ્યોગના જાણીતા ઉદ્યોગપતિ કીર્તિલાલ મહેતાની માતા લીલાવતી મહેતાના નામ પરથી રાખવામાં આવ્યું હતું.
કીર્તિલાલ મહેતાના જુસ્સા અને પરોપકાર માટેના સમર્પણને કારણે તેમને લીલાવતી કીર્તિલાલ મહેતા મેડિકલ ટ્રસ્ટની રચના કરવામાં આવી, જે હોસ્પિટલની કામગીરીને સમર્થન આપે છે. તેમનો પરિવાર તેમના વારસાને આગળ ધપાવી રહ્યો છે.
