બિહારમાં ફરી એકવાર પુલ દુર્ઘટના સામે આવી છે. ઉદ્ઘાટન પહેલા જ પુલ તૂટીને નદીમાં ગરકાવ થઈ ગયો હતો. આ ઘટના અરરિયા જિલ્લાના સિક્તી બ્લોકમાં બની હતી. અહીં બાકરા નદીના પાદરિયા ઘાટ પર કરોડોના ખર્ચે બનેલો પુલ અચાનક નદીમાં ડૂબી ગયો હતો. ઘટના બાદ વિસ્તારમાં ભયનો માહોલ છવાયો હતો.
#बिहार: #अररिया जिले में #बकरा_नदी पर एक निर्माणाधीन पुल का बड़ा हिस्सा ध्वस्त हो गया। हादसे में कोई हताहत नहीं हुआ है। इस घटना के बाद जिलाधिकारी और प्रशासन के अन्य अधिकारियों ने घटनास्थल का निरीक्षण किया। घटना की जांच की जा रही है।#Bihar #Araria pic.twitter.com/8eHl9xH2WI
— आकाशवाणी समाचार (@AIRNewsHindi) June 18, 2024
કહેવામાં આવી રહ્યું છે કે આ પુલ પહેલાના બ્રિજના એપ્રોચને કાપ્યા બાદ બનાવવામાં આવ્યો હતો. લોકોનો આરોપ છે કે બ્રિજના નિર્માણમાં હલકી ગુણવત્તાની સામગ્રીનો ઉપયોગ કરવામાં આવ્યો હતો, તેથી ઉદ્ઘાટન પહેલા પુલ તૂટી પડ્યો હતો. લોકોનું કહેવું છે કે તાજેતરમાં વિભાગ દ્વારા પુલના એપ્રોચ રોડને પુનઃસ્થાપિત કરવાની કવાયત શરૂ કરવામાં આવી હતી. પરંતુ, તે પહેલા આ અકસ્માત થયો હતો.
