મુંબઈ: પ્રિયંકા ચોપરા એક એવી અભિનેત્રી છે જે માત્ર બોલિવૂડમાં જ નહીં હોલીવુડમાં પણ પ્રખ્યાત છે. દુનિયામાં તેની ફેન ફોલોઈંગ પણ એટલી જ છે. પ્રિયંકા હંમેશા પોતાની સુંદર સ્ટાઈલથી લોકોને પ્રભાવિત કરે છે. આ દિવસોમાં તે તેની આગામી હોલીવુડ ફિલ્મોના શૂટિંગમાં વ્યસ્ત છે. હાલમાં જ તેણે ઈટાલીમાં આયોજિત બલ્ગારીની ઈવેન્ટમાં ભાગ લીધો હતો. આ ઈવેન્ટમાં તેની સ્ટાઈલ જોવા જેવી હતી. આ ઈવેન્ટમાં તેને અંદાજ એકદમ ગ્લેમરસ અને રોયલ લાગી રહ્યો હતો.
અભિનેત્રીએ આ કાર્યક્રમમાં એની હેથવે, લિયુ યીફેઈ અને શુ ક્વિ સાથે જોવા મળી હતી. ઈવેન્ટમાં ઘણા સ્ટાર્સ હાજર હોવા છતાં લોકોની નજર પ્રિયંકા પર ટકેલી હતી. પ્રિયંકા આ ઈવેન્ટમાં સુંદર ઓફ શોલ્ડર ગાઉન પહેરીને પહોંચી હતી. આ લુકમાં એક્ટ્રેસના નેકલેસે બધાનું ધ્યાન ખેંચ્યું હતું. તેનો આ નેકલેસ ખૂબ જ ખાસ લાગતો હતો. જેની કિંમત જાણીને તમે ચોંકી જશો.
View this post on Instagram
બલ્ગારીની 140મી વર્ષગાંઠ નિમિત્તે ગાલા ડિનરનું આયોજન કરવામાં આવ્યું હતું. આ દરમિયાન પ્રિયંકા ક્રીમ અને બ્લેક કલરનું ઓફ શોલ્ડર ગાઉન પહેરી ખાસ અંદાજમાં દેખાઈ.આ નેટ ફેબ્રિક ગાઉનમાં પ્રિયંકા અદભૂત લાગી રહી હતી.પહેલીવાર પ્રિયંકા ખૂબ જ ટૂંકા વાળ સાથે જોવા મળી. ટૂંકા વાળમાં અભિનેત્રીનો લૂક આકર્ષિત લાગી રહ્યો હતો. લોકોને તેની નવી હેર સ્ટાઈલ ખૂબ પસંદ આવી.ગ્લોસી લિપસ્ટિક અને ન્યૂડ મેકઅપ તેની સુંદરતામાં વધારો કરી રહ્યા હતા.
આ ઈવેન્ટમાં પ્રિયંકાના નેકલેસે લોકોનું ધ્યાન ખેંચ્યું હતું. જો મીડિયા રિપોર્ટ્સનું માનીએ તો પ્રિયંકા ચોપરાનો આ નેકલેસ સર્પેન્ટી એટેર્ના કંપનીનો છે. આ સુંદર નેકલેસને બનાવવામાં અંદાજે 2800 કલાકનો સમય લાગ્યો હતો. તેમાં 140 કેરેટના હીરા છે. આ હીરાને કાપીને 7 ડ્રોપ આકારનો આ સુંદર ચમકતો નેકલેસ તૈયાર કરવામાં આવ્યો છે. તેની કિંમત 350 કરોડ છે.
