સુરત: શહેરની નજીક સચિન બોર્ડ વિસ્તારમાં રહેતા એક પરિવારની 11 વર્ષની દીકરીની શુક્રવારે રાત્રે તબિયત બગડતા સિવિલ હોસ્પિટલમાં સારવાર માટે લાવવામાં આવી હતી. જેમાં શંકાસ્પદ ચાંદીપુરા વાયરસના લક્ષણો દેખાયા હોવાનું જાણવા મળ્યું છે.
માહિતી મુજબ સચિન સ્લમ બોર્ડ આવાસમાં રહેતો પરિવાર એની પુત્રીને તાવની આશંકામાં પ્રથમ ખાનગી હોસ્પિટલમાં સારવાર માટે લઈ ગયા હતા. જ્યાં સારવાર બાદ તબીયત વધુ બગડતા ડોક્ટરોએ તેમને એઈમ્સ હોસ્પિટલમાં અથવા સિવિલ હોસ્પિટલમાં લઈ જવા માટે કહ્યું હતું. માતા-પિતા તેને સિવિલ હોસ્પિટલમાં શનિવારે બપોરે લઇ આવ્યા હતા. સિવિલમાં ડોક્ટરે વેલ્ટીનેટર ઉપર રાખી એની સારવાર શરૂ કરી છે. બાળકીની તબિયત હાલ નાજુક છે. બાળકીને તાવ આવ્યા બાદ ઊલટી અને બે-ત્રણ વાર ખેંચ આવતા ICUમાં દાખલ કરાઈ છે.
