અયોધ્યાઃ રામ જન્મભૂમિ ટ્રસ્ટે રામ મંદિર પ્રસ્તાવિત મોડલના ફોટો જારી કર્યા છે. શ્રીરામ જન્મભૂમિ મંદિર વિશ્વમાં ભારતીય સ્થાપત્ય કળાનું અનુપમ ઉદાહરણ હશે. 161 ફૂટ ઊંચા રામ મંદિરમાં પાંચ મંડપ અને એક મુખ્ય શિખર છે. અયોધ્યાના દરેક ખૂણાથી મંદિરનું શિખર દેખાશે. વર્ષ 1989માં રામ મંદિરનું મોડલ બનાવવામાં આવ્યું હતું, જેમાં શ્રીરામ જન્મભૂમિ તીર્થ ક્ષેત્ર ટ્રસ્ટે બદલાવ કર્યો છે. આ મંદિર સાડા ત્રણવર્ષમાં બનીને તૈયાર હશે.
રામ મંદિરનો નકશો તૈયાર કરવાવાળા મુખ્ય આર્કિટેક્ટ સોમપુરાના પુત્ર નિખિલ સોમપુરાએ જણાવ્યું હતું કે મંદિરની પાસે 70 એકર જમીન હશે, પરંતુ મંદિર ત્રણ એકરમાં બનશે. બાકીની 65 એકર જમીન પર મંદિર પરિસરનો વિસ્તાર કરવામાં આવશે. 
રામ મંદિર માટે 12થી 14 ફૂટ ઊંચાઈનું પ્લેટફોર્મ બનાવવામાં આવશે. એક અનુમાન મુજબ મંદિરમાં એક દિવસમાં એક લાખ રામ ભક્ત પહોંચી શકે. એને ધ્યાનમાં રાખતાં મંદિરના મોડલમાં બદલાવ કરવામાં આવ્યો છે.
આ મંદિર નાગર શૈલીમાં બનશે. આમાં સિમેન્ટ અથળા સળિયાનો ઉપયોગ કરવામાં નહીં આવે. પહેલા મંદિરમાં બે ગુંબજ બનવાના હતા. મૂળ મોડલમાં વગર બદલાવે એને પાંચ કરી દીધા હતા. ગર્ભગૃહથી 200 ફૂટ નીચેની માટીનું પરીક્ષણ કરવામાં આવ્યું હતું. જે જગ્યાએ માટીના મંદિરનો ભાર (વજન) સહન કરવામાં નબળી હશે. એની આગળ સુધી મંદિરના આધારે પ્લેટફોર્મ વધારવામાં આવશે.
મંદિરમાં શ્રદ્ધાળુઓને બેસવાની, પ્રાર્થના કરવા માટે મંડપ બનાવવામાં આવ્યો છે. અહીં પરિક્રમા માર્ગ પણ છે. મંદિરમાં સિંહદ્વાર, રંગ મંડપ, નૃત્ય મંડપ, પૂજા કક્ષ અને ગર્ભગૃહની ઉફર પાંચે ગુંબજ બનશે. શિલાપૂજન પછી મશીનો લગાવીને ખોદકામ શરૂ થઈ જશે. મંદિરની ફ્લોર પર સંગેમરમર લગાડવામાં આવશે. આ મંદિર આશરે 318 પિલર પર ઊભો હશે.
આ એક મંડપનું દ્રશ્ય છે. નક્શીકામ કરેલા થાંભલા પર મંડપને બનાવવામાં આવશે. સંપૂર્ણ મંદિરના નિર્માણમાં આશરે 1.75 લાખ ઘન ફૂટ પથ્થરની જરૂર જણાવવામાં આવી છે. કારસેવકપુરમમાં મંદિર માટે પથ્થર કોતરવામાં આવ્યા છે, જેનાથી એક માળનું ભવન તૈયાર થઈ જશે. બાકી બે માળના ભવન માટે પથ્થર કોતરવામાં આવશે. મંદિરનો પાયાના પ્લેટફોર્મને તૈયાર કરવામાં ત્રણ ટાર મહિના લાગી શકે છે.
રામ મંદિર પરિસરમાં નક્ષત્ર વાટિકા બનાવવામાં આવશે. આમાં દરેક નક્ષત્રથી જોડાયેલા છોડ હશે. આ નાગર શૈલીમાં બનાવવામાં આવેલું અષ્ટકકોણીય મંદિર હશે. આમાં ભગવાન રામની મૂર્તિ અને રામ દરબાર હશે. મુખ્ય મંદિરની આગળ-પાછળ સીતા, લક્ષ્મણ, ભરત અને ભગવાન ગણેશનું મંદિર હશે.
ભવ્ય મંડપનો એક નજારો. મંદિર નિર્માણ માટે રામ જન્મભૂમિ ન્યાસ અને વિશ્વ હિન્દુ પરિષદ દ્વારા પથ્થરોને મગાવવા અને કોતરવાના કામ સપ્ટેમ્બર, 1990માં શરૂ કરવામાં આવ્યું હતું.
રામ મંદિરનું એક વિહંગ દ્રશ્ય
70 એકર ભૂમિમાં ત્રણ એકરમાં મંદિર અને કોરિડોર બનશે. આ સિવાય 67 એકર ભૂમિમાં કેટલાંય મ્યુઝિયમ, માતા સીતા, લક્ષ્મણ, ભરત અને ભગવાન ગણેશના મંદિર બનશે. સંપૂર્ણ પરિસર હરિયાળું હશે.
