જો જો, રંગોથી રમતી વખતે ત્વચાને નુકસાન ના થાય…

નવી દિલ્હીઃ હોળીનો તહેવાર હવે નજીકમાં છે, ત્યારે આ એવો તહેવાર છે, જે  ઉત્સાહ, ઉમંગ અને ઉલ્લાસથી ઊજવાય છે, પણ રંગો વગર અધૂરો છે. જોકે આ તહેવારમાં રંગોથી રમવામાં જેટલો ઉમંગ હોય છે, એનાથી ક્યાંય વધુ રંગથી પીછો છોડાવવાનું હોય છે. ધુળેટી રમવી બધાને પસંદ છે, પણ રંગ ત્વચાને તો નુકસાન કરે છે, બલકે એને કાઢવામાં પરસેવો પડી જાય છે.

‘બૂરા ના માનો હોલી હૈ’

તમે ગમેતેટલા બચવાના પ્રયત્ન કરો, પણ ‘બૂરા ના માનો હોલી હૈ’ કહીને લોકો રંગ લગાડવા આવી જ પહોંચે છે. હર્બલ રંગોને બાદ કરીએ તો કેટલાય પ્રકારના રંગો (કેમિકલયુક્ત) બજારમાં વેચાતા છે, જેનાથી ત્વચાને નુકસાન થાય છે. ત્વચા શુષ્ક અને મૃત થવાની સાથે તેમાં ઘણી વાર બળતરા થવા લાગે છે. વળી વાળ પણ ખરવા લાગે છે.

જો તમને હોળી રમવી પસંદ છે, પણ તેનાથી થનારા નુકસાનથી ડરો છો, તો ગભરાવ નહીં. તમે પૂરા ઉત્સાહ અને ઉમંગથી દિલ ખોલીને વિના ટેન્શને હળી રમી શકો છો અને રંગોના હાનિકારક પ્રભાવોથી બચી શકો છો, બસ તમારે થોડા ઉપાય કરવા પડશે.

ચહેરા પર ઓઇલ લગાવો

હોળી રમતા પહેલાં વાળની સાથે ચહેરા અને ત્વચા પર પણ તેલ લગાડો. હોળી રમવાના એક કલાક પહેલાં ત્વચા અને વાળો પર સારી રીતે તેલથી માલિશ કરો, જેનાથી ત્વચા તેલ શોષી લે. આનાથી રંગમાંના કેમિકલ્સ તમારી ત્વચાને નુકસાન નહીં પહોંચાડે અને રંગ સરળતાથી નીકળી શકે.

સન સ્ક્રીન લગાવો

તેલની સાથે-સાથે હોળી રમતાં પહેલાં ચહેરા પર સનસ્ક્રીન જરૂર લગાડો. આ રંગોની સાથે તમારી સ્કિનને સૂર્યનાં હાનિકારક કિરણોથી બચાવશે.

હોળીના રંગ ત્વચાની સાથે હોઠને પણ શુષ્ક બનાવી શકે છે. વળી લિપ્સ પર લાગેલા રંગ મોંમાં ઝઈ શકે છે, જે ગંભીર બની શકે છે. એટલે હોળી રમતા પહેલાં લિપ બામ કે પેટ્રોલિયમ જેલી અવશ્ય લગાવો.

નખોનો સાચવો

આપણે હોળી રમતી વખતે ત્વચાની સાથે નખોને પણ સાચવવા જોઈએ, કેમ કે નખોમાં એક વાર રંગ ઘૂસી જાય પછી એ સરળતાથી નથી નીકળતા, જે નુકસાનકારક થઈ શકે છે. એટલા માટે હોળી રમતાં પહેલાં નખો પર નેઇલ પેઇન્ટ લગાવી લો.