નવી દિલ્હીઃ ગૂગલે અત્યાર સુધી સર્ચ સર્વિસને ફ્રીમાં રાખી છે. કંપનીનો આવકનો મોટો હિસ્સો અહીંથી આવે છે. જોકે કંપની હવે આ પોલિસીમાં ફેરફાર કરવા પર વિચાર કરી રહી છે. કંપની પ્રીમિયમ ફીચર્સ પર ચાર્જ લગાવવા પર વિચાર કરી રહી છે. આ પ્રીમિયમ ફીચર્સ કંઈ બીજું નહીં, બલકે જનરેટિવ AIથી આવનારાં પરિણામો હશે.
કેટલાક સમય પહેલાં કંપનીના ગૂગલ સર્ચની સાથે જનરેટિવ AIનો સ્નેપશોટ ફીચર એક્સપેરિમેન્ટલ લોન્ચ કર્યો હતો. આ ફીચરની મદદથી યુઝર્સ ને સર્ચ કરવામાં આવેલા ટોપિક વિશે AI સર્ચ રિઝલ્ટ્સની ઉપર બતાવે છે. ગૂગલનો આ જનરેટિવ AI ફીચર કંપનીના Google One સબસ્ક્રિપ્શન પ્લાનમાં જોડી દેવામાં આવે એવી શક્યતા છે. જોકે ગૂગલ પર વગર AI સિવાય કંઈ પણ સર્ચ કરવું પહેલાંની જેમ ફ્રી જ રહેશે.
ગૂગલે આ બિઝનેસ મોડલને લઈને સર્વે કર્યો હતો, જેમાં 70 ટકા યુઝર્સ ઇચ્છે છે કે તેઓ ફ્રીમાં સર્ચ ફીચરનો ઉપયોગ કરશે, જ્યારે ગૂગલના સર્ચ જનરેટિવ એક્સપિરિયન્સ (SGE) માટે માત્ર 30 ટકા યુઝર્સ જ ખર્ચ કરવા ઇચ્છશે.
ChatGPTએ બગાડ્યો ખેલ?
ગૂગલ સર્ચથી કંપનીને મોટી કમાણી થાય છે, પરંતુ ChatGPT આવ્યા પછી કંપનીને પોતાના બિઝનેસ પર એક ડર લાગવા માંડ્યો.આ પ્લેટફોર્મને લોન્ચ થયે આશરે દોઢ વર્ષ થઈ ચૂક્યું છે અને હવે કંપની બિઝનેસ મોડલમાં એક મોટા ફેરફાર કરવા પર વિચાર કરી રહી છે. કંપની AIને લઈને કંઇક નવું કરવાની દિશામાં વિચારી રહી છે.
