નવી દિલ્હીઃ આવતા વર્ષે પાંચ રાજ્યોમાં વિધાનસભાની ચૂંટણી અને લોકસભાની ચૂંટણી નિર્ધારિત છે ત્યારે દેશના ચૂંટણી પંચે ઈલેક્ટ્રોનિક વોટિંગ મશીન (ઈવીએમ) અને પેપર ટ્રેલ મશીનોનો તબક્કાવાર તાગ મેળવવાનું શરૂ કર્યું છે.
(ફાઈલ તસવીર)
‘મિન્ટ’ના અહેવાલ અનુસાર, ચૂંટણી પંચ અધિકારીઓએ આ મશીનોનું પ્રથમ-સ્તરીય ચેકિંગ શરૂ કર્યું છે. આ પ્રક્રિયાના ભાગરૂપે નકલી ચૂંટણીનો તખ્તો તૈયાર કરાયો છે. આ કવાયત આખા દેશમાં ચાલુ કરાઈ છે. તે કેરળના વાયનાડ મતવિસ્તારમાં પણ કરાશે. આ મતવિસ્તાર કોંગ્રેસ નેતા રાહુલ ગાંધીને લોકસભા ગૃહમાંથી ગેરલાયક જાહેર કરાયા બાદ ખાલી પડ્યો છે.
