દિલ્હીની વિધાનસભા ચૂંટણીઃ 11 વાગ્યા સુધીમાં 6.96 ટકા જેટલું મતદાન

નવી દિલ્હીઃ દિલ્હીની તમામ 70 સીટો માટે આજે સવારે 8 કલાકથી મતદાન શરૂ થઈ ગયું છે. આ ચૂંટણીમાં સત્તામાં રહેલી આમ આદમી પાર્ટી, ભાજપ અને કોંગ્રેસ મુખ્ય રૂપે મેદાનમાં છે. આ ચૂંટણીમાં કુલ 672 ઉમેદવાર પોતાનું ભાગ્ય અજમાવી રહ્યાં છે. દિલ્હીના 1,47,86,382 મતદાતા આજે નક્કી કરશે કે દિલ્હીની સત્તા કોને મળશે. ચૂંટણીનું પરિણામ 11 ફેબ્રુઆરીએ આવશે. તો મતદાન સાંજે 6 કલાકે સમાપ્ત થશે.

દિલ્હી વિધાનસભાની ચૂંટણીમાં મતદાન ચાલી રહ્યું છે ત્યારે પ્રાપ્ત આંકડા પ્રમાણે સવારે 11 કલાક સુધીમાં માત્ર 6.96 ટકા મતદાન થયું છે.

દિલ્હી વિધાનસભા માટે મતદાન ચાલી રહ્યું છે. કોંગ્રેસ અધ્યક્ષ સોનિયા ગાંધી, પ્રિયંકા ગાંધી અને રાહુલ ગાંધીએ દિલ્હીમાં પોત-પોતાના મતાધિકારનો ઉપયોગ કર્યો. સોનિયા ગાંધીએ નિર્માણ ભવન બૂથમાં મતદાન કર્યું. પ્રિયંકા ગાંધીએ કહ્યું કે, પોતાના અધિકારને સ્પષ્ટ કરો અને મતદાન કરો.

દિલ્હી: વિદેશ મંત્રી એસ.જયશંકરે તુગલક ક્રિસેંટની એનડીએસી સ્કૂલ ઓફ સાયન્સ અને હ્યુમેનિટીઝમાં વોટિંગ કર્યું. કહ્યું – નાગરિકની આ મૂળ જવાબદારી છે કે વોટ આપે. બહાર નીકળીને વોટ આપવો મહત્વપૂર્ણ છે.

દિલ્હીના ઉપરાજ્યપાલ અનિલ બૈજલે પોતાની પત્ની સાથે વોટિંગ કર્યું

View image on Twitter

ગૃહમંત્રી અમિત શાહે ટ્વીટ કર્યું અને જણાવ્યું કે, હું દિલ્હીની જનતાને અપીલ કરું છું છે, અસત્ય અને વોટબેંકની રાજનીતિથી દિલ્હીને મુક્ત કરવા માટે મતદાન જરુર કરે.

વડાપ્રધાન મોદીએ ટ્વીટ કરીને કહ્યું કે, દિલ્હી વિધાનસભા ચૂંટણી માટે આજે મતદાનનો દિવસ છે. તમામ મતદાતાઓને મારી અપીલ છે કે, તેઓ વધારેમાં વધારે સંખ્યામાં લોકતંત્રના આ મહોત્સવમાં ભાગ લે અને વોટિંગનો નવો રેકોર્ડ બનાવે.