અમદાવાદઃ યુટ્યુબ ચેનલ કોન્શિયન્સ (અંતરાત્માના અવાજ) પર 22 ઓગસ્ટ, 2019એ 14 વર્ષીય અભિજ્ઞા આનંદે ભવિષ્ય ભાખ્યું હતું કે વિશ્વ નવેમ્બર, 2019થી એપ્રિલ, 2020ના દરમ્યાન કપરા તબક્કાનો સામનો કરશે. આ છ મહિનાના સમયગાળામાં વૈશ્વિક રોગચાળો ફેલાશે અને વિશ્વમાં મોટું ટેન્શન ઊભું થશે. વળી ,31 માર્ચે આ રોગચાળો તેની ચરમસીમાએ પહોંચશે અને વિશ્વભરના ટેન્શનમાં ઓર વધારો થશે. જોકે 29 મેએ આ ધરતી પરથી આ મુશ્કેલ સમયગાળો દૂર થશે, પૃથ્વી પરથી આ વૈશ્વિક રોગચાળામાં ઘટાડો થશે અને આ રોગને નાથવા માટેની અસરકારક કામગીરી કરવામાં આવી હશે.
આનંદનું વિલક્ષણ બુદ્ધિચાતુર્ય જન્મજાત
આનંદ એક જન્મજાત ટેલેન્ટેડ કિશોર છે અને અનેક મેગેઝિનોમાં તેના વિશે ઘણુંબધું લખાઈ ચૂક્યું છે. અત્રે એ ઉલ્લેખનય છે કે 2013માં ભારતનો આવનારો સમય કેવો રહેશે એ માટે તેની ભવિષ્ય ભાખવાની કુશળતા (જ્યોતિષ કળા)નો ટેસ્ટ કરવામાં આવ્યો હતો અને તેના જ્યોતિષ વિદ્યા (એસ્ટ્રોલોજી)ના જ્ઞાન (નોલેજ) પર ઘણાબધા લોકો આશ્ચર્યચકિત થઈ ગયા હતા, કેમ કે લોકો આ બાળકના હજી રમવાકૂદવાના દિવસો માનતા હતા. તેણે જ્યોતિષ વિદ્યાના ઉપયોગ કરીને સોના-ચાંદીના ભાવ અને ભારત સંબંધિત અન્ય પ્રવૃત્તિઓની આગાહી કરી હતી.
કોરોના વાઇરસની આગાહી
કોરોના વાઇરસ વિશે તેણે કહ્યું હતું કે એ એક વૈશ્વિક યુદ્ધ હશે. એ યુદ્ધ વાઇરસ અને માનવતા વચ્ચેનું હશે અને આ યુદ્ધમાં સરકારો પણ સામેલ હશે એમ તેણે ભાખ્યું હતું, પ એક વાત સ્ફષ્ટ છે કે આ યુદ્ધ અજાણ્યા શત્રુ (વાઇરસ) સામે હશે, એમ તેણે ઉમેર્યું હતું.
ગ્રહોની માયાજાળ
આનંદે જ્યોતિષ વિદ્યાને આધારે અનુસાર 31 માર્ચે ચરમસીમા કેમ માની રહ્યો હતો- તેણે કહ્યું હતું કે મંગળ શનિ અને ગુરુ એકસાથે આવશે અને ચંદ્ર અને રાહુની પણ યુતિ થશે. વળી રાહુ ચંદ્રના ઉત્તર બાજુ રહેશે.
જ્યોતિષ શાસ્ત્ર પ્રમાણે આ એક દુર્લભ ઘટના છે, કેમ કે મંગળ, શનિ અને ગુરુ સૌથી શક્તિશાળી ગ્રહો છે- એમ માનવામાં આવે છે, કેમ કે આ બધા ગ્રહો સોલર સિસ્ટમની બાહ્ય ધરી પર છે, જેથી તેમનો પ્રભાવ આ સમયગાળામાં પૃથ્વી પર પ્રચંડ રીતે પડશે.
ચંદ્ર અને રાહુની યુતિ
બીજી બાજુ ચંદ્ર અને રાહુની યુતિ પણ છે. એ પણ એક શક્તિશાળી યુતિ છે (એટલે મોટી ખાનાખરાબી સર્જી શકે ) કેમ કે ચંદ્ર એ પાણીનો (મનનો કારક ગ્રહ) પ્રભાવિત ગ્રહ છે. એની સાથે રાહુ પણ પૃથ્વીને પ્રભાવિત કરનારો ગ્રહ છે. જ્યોતિષની દ્રષ્ટિએ આ સમયગાળા દરમ્યાન પાણીના રોગથી (શરદી, ખાંસી અને તાવ)થી આ રોગચાળોનો ફેલાવો થશે, એમ તેણે ભાખ્યું હતું. આ સમય દરમ્યાન એકકમેકથી સામાજિક અંતર મહત્ત્વપૂર્ણ રાખવું પડશે. તેણે આ સમયગાળો 31 માર્ચથી એક એપ્રિલ આસપાસનો કહ્યો હતો.
જ્યોતિષ શાસ્ત્રની સમજ મુજબ 29 મેએ આ ગ્રહોની યુતિ તૂટશે અને આ રોગને નાથવા (સારવાર) માટેની સારવાર (દવા) શોધાશે. આ સમયગાળાથી આ રોગચાળામાં ઘટાડો થશે. અર્થતંત્રની વાત કરીએ તો આર્થિક મંદીનો અંત નવેમ્બર, 2021માં આવશે.
