નવી દિલ્હીઃ આ વર્ષના મે મહિના સુધીમાં ચાર રાજ્યો અને એક કેન્દ્રશાસિત પ્રદેશની વિધાનસભાની મુદત પૂરી થાય છે. ચૂંટણી પંચે આ રાજ્યોમાં નવી વિધાનસભાની ચૂંટણી યોજવાની તૈયારી શરૂ કરી દીધી છે. સૂત્રોના જણાવ્યા મુજબ, ચારમાંથી ત્રણ રાજ્યોમાં એક ચરણમાં જ્યારે અન્યમાં 6-8 અને 2-3 ચરણમાં ચૂંટણી યોજવામાં આવે એવી શક્યતા છે.
પશ્ચિમ બંગાળમાં 6-8 ચરણમાં, આસામમાં 2-3 ચરણમાં જ્યારે તામિલનાડુ, કેરળ અને પુડુચેરીમાં એક-એક ચરણમાં ચૂંટણી યોજવાનું ચૂંટણી પંચ વિચારે છે. તામિલનાડુમાં વર્તમાન વિધાનસભાની મુદત 24 મેએ, બંગાળમાં 30 મે, આસામમાં 31 મે, પુડુચેરીમાં 8 જૂન અને કેરળમાં 1 જૂને પૂરી થાય છે. ચૂંટણી પંચ આ રાજ્યોમાં મતદાનની જાહેરાત 15 ફેબ્રુઆરીએ કરે એવી ધારણા છે.
