નવી દિલ્હીઃ કર્મચારીઓને લગતી બાબતોની કંપનીઓનો અંદાજ છે કે ભારતમાં 5G ટેલિકોમ સેવા શરૂ થવાથી આગામી બે ક્વાર્ટરમાં 45,000 જેટલી નવી નોકરીઓનું નિર્માણ થશે. ઈકોનોમિક્સ ટાઈમ્સના અહેવાલ મુજબ, 5G સેવા શરૂ થવાની ધારણા માત્રથી જ દેશમાં વર્તમાન કેલેન્ડર વર્ષમાં અત્યાર સુધીમાં 5G સંબંધિત 80,000 જેટલા લોકોને નોકરી પર રાખવામાં આવ્યા છે.
જોકે 5G સંબંધિત નોકરીઓ માત્ર ટેલિકોમ ક્ષેત્રમાં જ ઉત્પન્ન થશે એવું નથી. આરોગ્યસેવા, રીટેલ, ઓટોમોબાઈલ, મેન્યૂફેક્ચરિંગ જેવા ક્ષેત્રોમાં પણ 5G આધારિત નોકરીઓ પર ભાર મૂકવામાં આવી રહ્યો છે.
