બાંધકામ-હેઠળના ફ્લાયઓવરનો ભાગ તૂટી પડ્યો; 14ને ઈજા

મુંબઈઃ અત્રે બાન્દ્રા કુર્લા કોમ્પ્લેક્સ (બીકેસી) વિસ્તારમાં મુખ્ય માર્ગને સાન્તાક્રુઝ-ચેંબૂર લિન્ક રોડ સાથે જોડતા ફ્લાયઓવરનો એક ભાગ આજે વહેલી સવારે લગભગ 4.30 વાગ્યે તૂટી પડ્યો હતો. આ દુર્ઘટનામાં 14 વ્યક્તિને ઈજા થઈ છે. સદ્દભાગ્યે એમની ઈજા સાધારણ પ્રકારની છે.

તમામ ઈજાગ્રસ્તોને સાંતાક્રુઝ ઉપનગરની વી.એન. દેસાઈ હોસ્પિટલમાં દાખલ કરવામાં આવ્યા છે અને તે બધાયની હાલત સ્થિર છે. ઈજાગ્રસ્તોમાંના 13 જણને હોસ્પિટલમાંથી રજા પણ આપી દેવામાં આવી છે. કોઈ જાનહાનિ થઈ નથી કે કોઈ પણ વ્યક્તિ ગૂમ પણ થઈ નથી. ઘટનાની જાણ થતાં પોલીસો અને ફાયર બ્રિગેડના જવાનો તરત જ ત્યાં પહોંચી ગયા હતા અને બચાવ કામગીરી શરૂ કરી હતી.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]