મુંબઈની એક કોલેજે હિજાબ પર પ્રતિબંધ લગાવ્યાના થોડા દિવસો બાદ નવો આદેશ જારી કર્યો છે. હવે કેમ્પસમાં જીન્સ અને ટી-શર્ટ પહેરવા પર પણ પ્રતિબંધ લગાવી દેવામાં આવ્યો છે. કોલેજે કહ્યું કે કેમ્પસમાં ફાટેલા જીન્સ, ટી-શર્ટ અને શરીરના અંગો દર્શાવતા કપડાં પહેરવા પર પ્રતિબંધ રહેશે. ચેમ્બુર ટ્રોમ્બે એજ્યુકેશન સોસાયટીના એનજી આચાર્ય અને ડીકે મરાઠે કોલેજના વહીવટીતંત્ર દ્વારા જારી કરવામાં આવેલી નોટિસમાં કહેવામાં આવ્યું છે કે વિદ્યાર્થીનીઓએ “ઔપચારિક અને શિષ્ટ” પોશાક પહેરીને કેમ્પસમાં આવવું જોઈએ.
કોલેજે ગેટ પર નોટિસ લગાવી છે કે, “વિદ્યાર્થીઓએ કેમ્પસમાં ઔપચારિક અને યોગ્ય પોશાક પહેરવો જોઈએ. તેઓ હાફ શર્ટ અથવા ફુલ શર્ટ અને ટ્રાઉઝર પહેરી શકે છે. છોકરીઓ ભારતીય અને વેસ્ટર્ન વસ્ત્રો પહેરી શકે છે. વિદ્યાર્થીઓએ ધર્મ અથવા સાંસ્કૃતિક અસમાનતાને પ્રતિબિંબિત કરતો કોઈ ડ્રેસ પહેરવો જોઈએ નહીં. જીન્સ, ટી-શર્ટ અને ખુલ્લા કપડાં પહેરવાની અનુમતિ નથી.
ચેમ્બુર સ્થિત એનજી આચાર્ય અને ડીકે મરાઠે કોલેજમાં જીન્સ અને ટી-શર્ટ પરના પ્રતિબંધની બુધવારે રાજ્યની વિધાનસભામાં શિવસેનાના ધારાસભ્ય પ્રતાપ સરનાઈકે ટીકા કરી હતી. તેમણે રાજ્ય સરકાર કોલેજના ‘તાલિબાન ફતવા’ સામે પગલાં લેવાની માંગ કરી હતી. સરનાઈકે પૂછ્યું, લગભગ 70-80% યુવાનો જીન્સ અને ટી-શર્ટ પહેરે છે.
શું તમે સ્વિમિંગ કોમ્પિટિશન માટે સ્વિમસૂટ અને ટી-શર્ટ્સ અને શોર્ટ્સ પર પ્રતિબંધ મૂકશો?” ગયા વર્ષે, આ જ કોલેજે તેના કેમ્પસમાં હિજાબ અને બુરખા પર પ્રતિબંધ મૂક્યો હતો. તેમણે કહ્યું હતું કે, “આ પ્રતિબંધ લોકશાહીમાં વિદ્યાર્થીઓના અધિકારની વિરુદ્ધ છે.
જો તે અન્ય કોલેજોમાં પણ ફેલાઈ જશે, તો તે કાયદો અને વ્યવસ્થાની સમસ્યા સર્જશે. 27 જૂને કોલેજ દ્વારા બહાર પાડવામાં આવેલી ‘ડ્રેસ કોડ અને અન્ય નિયમો’ શીર્ષકવાળી નોટિસ અનુસાર ફાટેલા જીન્સ, ટી-શર્ટ, ખુલ્લા કપડાં પહેરવા પર પ્રતિબંધ લગાવવામાં આવ્યો છે. વિદ્યાર્થીઓએ કેમ્પસમાં ઔપચારિક અને સાધારણ પોશાક પહેરવો જોઈએ. તેઓ હાફ-શર્ટ અથવા ફુલ-શર્ટ અને ટ્રાઉઝર પહેરી શકે છે. છોકરીઓ કોઈપણ ભારતીય કે પશ્ચિમી ડ્રેસ પહેરી શકે છે.
