મુંબઈ: ગુજરાતની સાથે જો બીજે ક્યાંય નવરાત્રીનો ખરો માહોલ જામતો હોય તો તે છે મુંબઈ. માયાનગરીમાં મોટે ભાગે લોકો મોર્ડન રીતે નવરાત્રીની ઉજવણી કરે છે. ત્યારે કાંદિવલીમાં બહેનાના ગ્રુપે એકદમ ગુજરાતી પહેરવેશ સાથે ગુજરાતી સ્ટાઈલમાં ગરબાના તાલે રમઝટ બોલાવી હતી.
‘રોયલ સમર્પણ’ કાંદિવલી વેસ્ટ ખાતે ગૃહિણીઓમા અંબાની આરાધના કરી ગરબાના તાલે ઝૂમી હતી. ‘આભને ઝરૂખે માડી ‘ ગરબા પર બહેનોએ પ્રોપર કોરિયોગ્રાફી કરી હતી અને પછી પર્ફોમ કર્યુ હતુ.તમામ બહેનોની વય 40 થી 50 વર્ષની છે. પરંતુ બહેનોમાં ઉત્સાહ અને એનર્જી જાણે યુવાન હોય તેવી હતી.
આજે જ્યારે બધા મોર્ડન રીતે ગરબા રમે છે ત્યારે બહેનોએ ગુજરાતી અંદાજમાં ગરબે ઝૂમી સંસ્કૃતિ જાળવણીનું ઉદાહરણ પણ પુરૂ પાડ્યું છે. બાંધણી સાડીમાં ગુજરાતી સાડીમાં બધી બહેનો ખુબ જ સુંદર દેખાતી હતી.
