વોશિંગ્ટનઃ અમેરિકી વિદેશ વિભાગના ઉપ મુખ્ય પ્રવક્તા વેદાંત પટેલે વિદેશ વિભાગની ડેલી બ્રીફ કરીને ઇતિહાસ રચી દીધો છે. આવું કરવાવાળા તેઓ પહેલા ઇન્ડિયન અમેરિકી મૂળના છે. તેમના સાથીઓએ કહ્યું હતું કે પટેલે સ્પષ્ટ રીતે પોતાની વાત રજૂ કરી હતી. વિદેશ વિભાગના પ્રવક્તા નેડ પ્રાઇસ રજા પર હોવાને કારણે પટેલ મિડિયા સામે વિદેશ નીતિના મુદ્દે વિદેશ વિભાગ ફોગી બોટમ હેડ ક્વાર્ટરમાં બ્રીફિંગ કર્યું હતું.
તેમણે બ્રીફિંગ દરમ્યાન યુક્રેન પર રશિયાના આક્રમણ, જેસીપીઓએ અને લીઝ ટ્રસના યુનાઇટેડ કિંગડમના વડા પ્રધાન બનવા વિશે વાતચીતથી માંડીને અનેક વિષયોને વણી લીધા હતા. તેમનું આગામી બ્રીફિંગ બુધવારે નિર્ધારિત છે. તેમણે પોડિયમથી શાનદાર શરૂઆત કરી હતી. વ્હાઇટ હાઉસમાં વરિષ્ઠ એસોસિયેટ કોમ્યુનિકેશન્સ ડિરેક્ટર મેટ હિલે ટ્વીટ કરીને તેમને અભિનંદન આપ્યાં હતાં.
Hosted my first Daily Press Briefing at the podium today. The Briefing is an important way we stay accountable to U.S. citizens and helps protect our democracy. You have a right to know about the events and policies that shape your life. pic.twitter.com/8RsacKaDJp
— Vedant Patel (@StateDeputySpox) September 6, 2022
હિલે ટ્વીટ કરીને લખ્યું હતું કે વિશ્વ મંચ પર સંયુક્ત રાજ્યનું પ્રતિનિધિત્વ કરવું એક મોટી જવાબદારી છે અને વેદાંતે એ જવાબદારી સુપેરે નિભાવી છે.
Kudos to @StateDeputySpox Vedant Patel on his podium debut! Representing the United States on the world stage is a huge responsibility, and Vedant did it with the utmost professionalism and clear communication. 🇺🇸 pic.twitter.com/2YH2Pp4oxk
— Matt Hill (@MattHill46) September 6, 2022
વ્હાઇટ હાઉસના ભૂતપૂર્વ ડેપ્યુટી કોમ્યુનિકેશન્સ ડિરેક્ટર પિલી તોબરે કહ્યું હતું કે વેદાંત પટેલને મંચ પર જોઈને બહુ સારું લાગ્યું. તેમણે લખ્યું હતું કે મારા મિત્રને એ શાનદાર શરૂઆત માટે અભિનંદન.
It’s so great to see @StateDeputySpox Vedant Patel at the podium! Congrats my friend on an amazing debut. https://t.co/cjFcdTuebB
— Pili Tobar (@pilitobar87) September 6, 2022
વેદાંત પટેલ ગુજરાતમાં જન્મ્યો છે અને કેલિફોર્નિયા યુનિવર્સિટીમાંથી ગ્રેજ્યુએટ થયો છે.એ પહેલાં તે વ્હાઇટ હાઉસમાં રાષ્ટ્રપતિ બાઇડન આસિસ્ટન્ટ પ્રેસ સેક્રેટરી અને સ્પોક્સપર્સન તરીકે કામ કરી ચૂક્યા છે.
