વોશિંગ્ટનઃ અમેરિકી સાંસદોએ રાષ્ટ્રપતિ ડોનાલ્ડ ટ્રમ્પના મહાભિયોગ કેસને વ્હાઈટ હાઉસના વકીલો અને સદનના ફરિયાદીઓની 2 દિવસ સુધી ગહન પૂછપરછની પ્રક્રિયા સમાપ્ત કરી લીધી છે. બાદમાં નવા પુરાવા રજૂ કરવાની ડેમોક્રેટ્સની માંગ પર થનારા મતદાનનું મંચ તૈયાર થઈ ગયું છે.
ત્યારે હવે સાક્ષીઓના નવા નિવેદનો લેવાને લઈને એક સપ્તાહની સમય મર્યાદાનો પ્રસ્તાવ મુકવામાં આવ્યો છે. કેલિફોર્નિયાના સાંસદે ઐતિહાસિક કેસમાં જ્યૂરી તરીકે ઉપસ્થિત 100 સાંસદોને કહ્યું કે, અહીંયા એક તાર્કિક શક્યતાઓ છે.
તેમણે કહ્યું કે, અમે એક સપ્તાહનો સમય વધારે લઈશું અને બાદમાં તમે સંસદીય કામકાજ ચાલુ રાખી શકશો. જો કે ટ્રમ્પની બચાવ ટીમે વધારે સાક્ષીઓ બોલાવવાની ડેમેક્રેટિક પાર્ટીની માંગને એ કહેતા ફગાવી છે કે, વ્હાઈટ હાઉસ આ પગલાને પડકારશે જેનાથી મામલો કોર્ટમાં ચાલ્યો જશે અને સંસદનું કામ ઘણા મહિના સુધી ઠપ્પ થઈ જશે. વ્હાઈટ હાઉસના વકીલ પેટ્રિક ફિલબિને કહ્યું કે, તેમણે ઘણા સપ્તાહ સુધી કહ્યું કે આ સ્પષ્ટ મામલો છે. તેમણે પૂછ્યું કે, જો આ તેમનો દાવો છે તો તેમને પ્રત્યક્ષદર્શીઓની શું જરુર છે?
હકીકતમાં ડેમોક્રેટ્સ પૂર્વ રાષ્ટ્રીય સુરક્ષા સલાહકાર જોન બોલ્ટનો પક્ષ જાણવા માટે વધારે ઈચ્છુક છે જેમણે પોતાના આગામી પુસ્તકમાં દાવો કર્યો છે કે ટ્રમ્પે તેમને જણાવ્યું હતું કે યૂક્રેનને સૈન્ય સહાયતા ટ્રમ્પના ડેમોક્રેટિક પ્રતિસ્પર્ધી જો બાઈડેનની તપાસ કરવાના બદલે આપવામાં આવી હતી. અમેરિકાના 45મા રાષ્ટ્રપતિ પર સત્તાના દુરુપયોગ માટે ચલાવવામાં આવી રહેલા મહાભિયોગનો મામલો હકીકતમાં આ જ આરોપ પર આધારિત છે.
