અમેરિકાના ડેનવર ઈન્ટરનેશનલ એરપોર્ટ પર મોટો અકસ્માત સર્જાયો છે. અહીં અમેરિકન એરલાઇન્સના એક વિમાનમાં આગ લાગવાના કારણે હડકંપ મચ્યો હતો. આગ લાગવાની માહિતી મળતા જ તેમાં સવાર 172 મુસાફરોને તુરંત બહાર કાઢી દેવામાં આવ્યા હતાં. ડેનવર ઈન્ટરનેશનલ એરપોર્ટના અધિકારીઓના જણાવ્યા અનુસાર, આગ ગેટ C38 પર ઊભા વિમાનમાં લાગી અને ટરમેક ઉપર કાળા ધૂમાડો થવા લાગ્યો હતો.
સૂત્રો પાસેથી મળતી માહિતી અનુસાર એરપોર્ટ પ્રશાસનના જણાવ્યા અનુસાર, આગ પર તાત્કાલિક નિયંત્રણ મેળવવામાં આવ્યું છે અને કોઈ મુસાફર અથવા ક્રૂ મેમ્બર ઈજાગ્રસ્ત થયો નથી. વિમાનમાં 172 મુસાફરો અને 6 ક્રૂ મેમ્બર હાજર હતા. ડેનવર એરપોર્ટ પર વિમાનની સુરક્ષિત લેન્ડિંગ કરાવાયા બાદ તમામ યાત્રીઓને ટર્મિનલ સુધી પહોંચાડી દેવામાં આવ્યા. ફેડરલ એવિએશન એડમિનિસ્ટ્રેશન (FAA) અનુસાર, આગ વિમાનના એન્જિનમાં સર્જાયેલી સમસ્યાને કારણે લાગી હતી. સુરક્ષા એજન્સીઓ દ્વારા આ ઘટનાની તપાસ કરવામાં આવી રહી છે.
