કોરોના મામલે પાકિસ્તાની મંત્રીની અજીબોગરીબ સલાહ!

નવી દિલ્હીઃ કોરોના વાયરસના પ્રકોપે આખા વિશ્વને પ્રભાવિત કર્યું છે. આ વાયરસને ફેલાતો રોકવા માટે, સ્વાસ્થ્ય અધિકારી લોકોને સામાજિક અંતર રાખવા માટે, હાથને સારી રીતે ધોવા માટે, સ્વચ્છતા રાખવા માટે અને ફેસ પર માસ્ક પહેરવા માે અને પોતાના હાથ તેમજ ચહેરાનેે ગંદા હાથોથી સ્પર્શ ન કરવા માટેની સલાહ આપતા હોય છે. જો કે દુનિયાભરમાં કેટલાક લોકો એવા છે કે જેમની પાસે કેટલાક તાત્કાલિક ઉપાયો છે. પાકિસ્તાન સરકારના એક મંત્રી ડો. ફિરદોસ આશિક અવાનનો એક વીડિયો સામે આવ્યો છે. આ વીડિયોમાં તેમણે લોકોને અજીબો ગરીબ સલાહ આપી છે. તેમની આ સલાહને લઈને તેમની ખૂબ મજાક ઉડી રહી છે.

વીડિયોમાં ફિરદોસ કહે છે કે, તમારા પગને પણ પ્રોટેક્ટ કરવા જરુરી છે. માત્ર ચહેરાને જ પ્રોટેક્ટ કરશો તો વાયરસ નીચેથી આવશે એટલે કે પગથી ચહેરા સુધી આવશે. આપણ એક મેડિકલ સાયન્સ છે અને આપણે આના માટે સાથે મળીને કામ કરવાનું છે.

ટ્વીટર પર આ વીડિયોને 18 એપ્રીલના રોજ શેર કરવામાં આવ્યો છે કે જેને અત્યારસુધીમાં 80,000 થી વધારે લોકોએ જોયો છે. સાથે જ 4 હજારથી વધારે લાઈક્સ અને હજારથી વધારે રીટ્વીટ્સ થયા છે. ટ્વીટર પર લોકોએ પોતાની પ્રતિક્રિયાઓ આપી છે.

પાકિસ્તાનમાં કોરોના વાયરસ સંક્રમણના 869 નવા કેસ ગઈકાલે નોંધાયા બાદ સંક્રમિત લોકોની સંખ્યા વધીને 8,348 જેટલી થઈ ગઈ છે. અધિકારીઓ દ્વારા આ જાણકારી શેર કરવામાં આવી છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]