લોકડાઉનમાં ઓપરા વિનફ્રે ગાર્ડનિંગમાં વ્યસ્ત

વોશિગ્ટન: લોકડાઉનમાં ઘરે બેઠા બેઠા લોકો કંઈક નવુ કરવાનો પ્રયત્ન કરતા હોય છે, જેથી સમય સરળતાથી પસાર થઈ જાય. ઓપરા વિનફ્રે પણ અત્યારે કંઈક ખાસ બનાવી રહી છે. આવો જાણીએ આ ક્વોરન્ટાઈન ટાઈમને કેવી રીતે ઓપરા પસાર કરી રહી છે.

અમેરિકાના લોકપ્રિય ટી ટૉક શો ની હોસ્ટ ઓપરા વિનફ્રેને કોણ નથી ઓળખતું ઓપરા વિનફ્રે એક મોટિવેશનલ સ્પીકર અને જાણીતી બિઝનેસ વૂમન પણ છે. કોરોના મહામારીથી પીડિતો માટે ઓપરાએ વિનફ્રેએ હાલમાં જ 12 મિલિયન ડોલરનું દાન કર્યું હતું.

હાલના સમયમાં ઓપરા વિનફ્રે ગાર્ડનિંગમાં વ્યસ્ત છે. તાજેતરમાં જ ઓપરા વિનફ્રેએ તેમના ઈન્સ્ટાગ્રામ પર એક વિડિયો શેર કર્યો છે. જેમાં તે મોટી કોબીજ હાથમાં લઈને ઉભી દેખાઈ છે. વિડિયોમાં જોઈ શકાય છે કે, આ કોબીજ એટલી વજનદાર છે કે તેને ઉપાડવા માટે ઓપરાને ઘણી મહેનત કરવી પડી રહી છે.

ઓપરાએ વિડિયો શેર કરતા લખ્યું કે, મને ગાર્ડનિંગ કરવું અત્યંત પસંદ છે. શું તમને પણ ગાર્ડનિંગનો આટલો જ શોખ છે? #HarvestDay. મહત્વનું છે કે, ઓપરા અવાર નવાર તેમની ગાર્ડનિંગ સ્કિલની તસવીરો સોશિયલ મીડિયામાં શેર કરતી રહે છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]