જાપાને આ દેશોની યાત્રા પર પ્રતિબંધનો સમય વધાર્યો

ટોક્યોઃ જાપાને 70 થી વધારે દેશોમાં યાત્રા પ્રતિબંધને વધારી દીધી છે. આ 70 દેશોમાં યૂકે, ચીન અને બ્રિટનનો પણ સમાવેશ થાય છે. આ નિર્ણય કોરોનાના સંક્રમણને ઓછું કરવા માટે લેવામાં આવ્યો છે. ઉલ્લેખનીય છે કે અત્યારે આખી દુનિયા કોરોના સામે લડી રહી છે. આ બિમારીનો હજી સુધી કોઈ જ ઈલાજ શોધી શકાયો નથી. ચીનના વુહાનથી ફેલાયેલા આ વાયરસથી આશરે 200 થી વધારે દેશ પ્રભાવિત થયા છે. તમામ દેશ પોતાના સ્તર પર આ વાયરસને પહોંચી વળવા માટે પગલા ભરી રહ્યા છે.

આ પ્રતિબંધ એ તમામ લોકો માટે લાગૂ થાય છે કે જેઓ છેલ્લા 14 દિવસમાં આ 70 દેશોની યાત્રા પર હતા. પ્રાપ્ત વિગતો અનુસાર, આ નવો નિયમ આજથી જ લાગુ પડશે. આ સાથે જ આ નિયમ એ લોકો માટે પણ હશે કે જેમની ફ્લાઈટો 3 એપ્રીલથી રવાના થઈ ચૂકી છે. જો કે આ ટ્રાવેલ બેનની હજી કોઈ અંતિમ તારીખ નક્કી કરાઈ નથી.

આ નિર્ણય જાપાનમાં ગત સપ્તાહે ઓલમ્પિક રદ્દ થયા બાદ આવ્યો છે. આ સિવાય જાપાનના વડાપ્રધાન શિંઝો આબે ટોક્યો ઓલમ્પિકની તીથિ આગળ વધારવા પર સહમત થયા હતા. જોન્સ હોપકિન્સ વિશ્વ વિદ્યાલય દ્વારા સંકલિત આંકડાઓ અનુસાર, જાપાનમાં અત્યારસુધી કોરોના વાયરસના સંક્રમણના કારણે 63 જેટલા લોકોના મોત થયા છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]