ઈસ્લામાબાદઃ પાકિસ્તાનમાં આવતા ફેબ્રુઆરીની 8મી તારીખે સંસદીય ચૂંટણી યોજાવાની છે. તેમાં જનતા 16મી રાષ્ટ્રીય ધારાસભાનાં સભ્યોને ચૂંટી કાઢશે. આ વખતની ચૂંટણીમાં એક હિન્દૂ મહિલાએ પણ ઉમેદવારી નોંધાવી છે. પાકિસ્તાનમાં આ પહેલી જ વાર બન્યું છે. સવીરા પ્રકાશ નામનાં મહિલાએ ખૈબર પખ્તૂનખ્વા પ્રાંતના બુનેર જિલ્લાના PK-25 મતવિસ્તારમાંથી પોતાની ઉમેદવારી નોંધાવી છે. એમણે ગઈ કાલે એ માટેનું પત્રક ભરીને સત્તાવાળાઓને સુપરત કર્યું હતું.
સવીરા પ્રકાશ પાકિસ્તાન પીપલ્સ પાર્ટી (પીપીપી)ની ટિકિટ પર ચૂંટણી લડી રહ્યાં છે. એમણે તેમનાં પિતા ઓમ પ્રકાશને પગલે રાજકારણમાં પ્રવેશ કર્યો છે. ઓમ પ્રકાશ 35 વર્ષથી પીપીપી પાર્ટીના સભ્ય છે. તેઓ એક નિવૃત્ત ડોક્ટર પણ છે.
