વોશિંગ્ટનઃ કોરોના વાયરસ મહામારી વચ્ચે ફ્લોરિડાનું એક કપલ સુરક્ષા કીટ પહેરીને એક બીજાને ગળે લગાવી રહ્યું હોય તેતા ફોટોગ્રાફ્સ સામે આવ્યા છે. એક બીજાની આંખોમાં જોઈ રહ્યા છે જે એ પોતાના જીવનની ભૂતકાળની અનમોલ ક્ષણોને યાદ કરી રહ્યા છે. ફ્લોરિડાના આ બંન્ને પતી-પત્ની સ્વાસ્થ્ય કર્મચારી છે અને એક હોસ્પિટલમાં દિવસ-રાત કોરોના વાયરસના દર્દીઓની સંભાળ રાખી રહ્યા છે. 
પોતાના વ્યસ્ત શિડ્યુલ વચ્ચે જ્યારે તેમને થોડો સમય મળ્યો તો પોતાની પ્રોટેક્ટિવ કીટમાં જ એકબીજાને તેમણે ગળે લગાવ્યા. તેમના આ ફોટોઝ સોશિયલ મીડિયા પર વાયરલ થયા છે. અમેરિકા દુનિયામાં કોરોના વાયરસનો ગઢ બની ચૂક્યું છે. કોરોના મહાસંકટથી બેહાલ અમેરિકામાં આજે એક જ દિવસમાં 25000 લોકોએ પોતાના જીવ ગુમાવ્યા છે. દુનિયામાં કોરોના વાયરસથી આ એક દિવસમાં સૌથી વધારે લોકોના મરવાનો રેકોર્ડ છે.
આ સાથે જ મૃત્યુ પામનારા લોકોનો આંકડો 33,500 પર પહોંચી ગયો છે. આ પહેલા અમેરિકાના રાષ્ટ્રપતિ કાર્યાલય વ્હાઈટ હાઉસે અનુમાન લગાવ્યું હતું કે સોમવાર સૌથી ખરાબ દિવસ હશે અને 2150 જેટલા લોકોના મોત થવાની શક્યતાઓ છે. આ વચ્ચે અમેરિકામાં કોરોના વાયરસથી સંક્રમિત લોકોની સંખ્યા પણ સતત વધતી જઈ રહી છે.
