વોશિંગ્ટનઃ અમેરિકી રાષ્ટ્રપતિ ડોનાલ્ડ ટ્રમ્પે કહ્યું છે કે અમેરિકા ભારતને વેન્ટિલેટર દાન કરશે. તેમણે ટ્વીટ કરીને કહ્યું છે કે મને એ ઘોષણા કરતાં ગર્વ થાય છે કે સંયુક્ત રાજ્ય અમેરિકા ભારતને વેન્ટિલેટરનું દાન કરશે. આ મહામારી દરમ્યાન અમે ભારત અને નરેન્દ્ર મોદીની સાથે ઊભા છીએ. અમે વેક્સિન ડેવલપમેન્ટમાં પણ મદદ કરી રહ્યા છીએ. અમે મળીને અદ્રશ્ય દુશ્મને હરાવીશું.
અમેરિકાએ કોરોના વાઇરસને અટકાવવા માટે ભારતને વધારાના ત્રણ મિલિયન (30 લાખ ડોલર) અમેરિકી ડોલરની આર્થિક મદદ કરવાની જાહેરાત કરી હતી. આ પહેલાં ટ્રમ્પ વહીવટી મંડળે USAIDના માધ્યમથી ભારતને 5.9 અમેરિકી ડોલર (આશરે 60 લાખ ડોલર)ની મદદ કરવાની જાહેરાત કરી હતી.
અમેરિકા કોરોના વાઇરસને અટકાવવા માટે આર્થિક મદદની આ યોજનાને PAHAL પ્રોજેક્ટનું નામ ચલાવી રહ્યું છે. અમેરિકાએ હાલમાં જ માત્ર ભારત જ નહીં, તમામ દેશોને કોરોના વાઇરસને અટકાવવા માટે મોટી આર્થિક મદદ કરવાની જાહેરાત કરી હતી, ત્યારે પણ એ આરોપ લાગ્યા હતા કે અમેરિકા ભારતથી આશરે બે ગણી મદદ કરવાની જાહેરાત પાકિસ્તાન માટે પણ કરી હતી.
અમેરિકી રાષ્ટ્રપતિ ડોનાલ્ડ ટ્રમ્પે વિશ્વાસ દર્શાવ્યો હતો કે આ વર્,ના અંત સુધીમાં દેશની પાસે કોવિડ-19ની વેક્સિન હશે. અત્યાર સુધી અમેરિકી સરકારના સ્વાસ્થ્ય નિષ્ણાતોએ જાન્યુઆરી, 2021 સુધીમાં કોવિડ વેક્સિન બનાવી લેવાની વાત કહી હતી. ટ્રમ્પે કહ્યું હતું કે તેમનું માનવું છે કે દેશની પાસે જલદી વેક્સિન હશે.
