90% વિદ્યાર્થીઓ શાળાઓમાં ફરી આવતાં થયાં: ચીનની સરકારનો દાવો

બીજિંગઃ ચીનના શિક્ષણ મંત્રાલયે કહ્યું છે કે કોવિડ-19 રોગચાળાની વચ્ચે દેશભરમાં 90 ટકા વિદ્યાર્થીઓ શાળામાં ફરી આવતાં થઈ ગયા છે. ચીનમાં 19 સપ્ટેમ્બર સુધી કમસે કમ 24.2 કરોડ વિદ્યાર્થીઓ પ્રાથમિક, માધ્યમિક અને યુનિવર્સિટીઓમાં પરત ફર્યા છે, એમ મંત્રાલયના પ્રવક્તા ઝુ મેઇએ મિડિયાને સંબોધિત કરતાં જણાવ્યું હતું, ચીનમાં ઓન-કેમ્પસ શિક્ષણ સામાન્ય દિવસો સ્થપાઈ રહ્યાનું જણાય છે, એમ ઝુએ જણાવ્યું હતું.  

દેશમાં હજી ઘણા નવા લોકો રાહ જોઈ રહ્યા છે કોવિડ-19ના નિયંત્રણને ઓછું કરવા માટે ફરીથી બધું પૂર્વવત્ ખોલવામાં આવે, એમ પ્રવક્તાએ કહ્યું હતું. સ્કૂલ શિક્ષણ એક સુરક્ષિત અને વ્યાપક તરીકેથી સામાન્ય થઈ રહ્યું છે, જે આનંદની વાત છે, એમ તેમણે વધુમાં કહ્યું હતું. તાજા કોવિડ-19ના કેસોને કારણે ઝિંજિંયાંગ સિવાય સમગ્ર ચીનમાં સ્કૂલોને એક સપ્ટેમ્બરથી ફરી શરૂ કરવાની મંજૂરી આપવામાં આવી છે.

જોકે કોરોના વાઇરસ વિશે ગયા ડિસેમ્બરમાં હુવેઇ પ્રાંતની રાજધાની વુહાન શહેરમાં જાણ થઈ હતી. ચીને અત્યાર સુધી માત્ર 85,297 કેસો અને 4634 મોતની પુષ્ટિ કરી છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]