જાપાનના સાણો ખાતે ભારત અને જાપાન વચ્ચે રમાયેલી T20 મેચ કોઈ વન-ડે કે T20 કરતા પણ વધુ રોમાંચક અને નાટ્યાત્મક સાબિત થઈ હતી. વરસાદના કારણે મેચ ઘટાડીને માત્ર 5 ઓવરની કરવામાં આવી હતી. પહેલા બેટિંગ કરતા ભારતીય ટીમે 4 વિકેટના ભોગે માત્ર 32 રન બનાવ્યા હતા. 33 રનના નાના ટાર્ગેટનો પીછો કરવા ઉતરેલી જાપાનની ટીમે ભારતીય બોલરોને બરાબરના દોડાવ્યા હતા અને મેચ છેલ્લી ઓવર સુધી ખેંચાઈ ગઈ હતી.
— Ben Gardner (@Ben_Wisden) September 22, 2026
છેલ્લી ઓવરમાં અમ્પાયરના નિર્ણયથી શ્રેયસ અય્યર આપા બહાર થયો
મેચની આખરી ઓવરમાં જાપાનને જીતવા માટે ખૂબ ઓછા રનની જરૂર હતી અને મેદાન પર ભારે તણાવનો માહોલ હતો. અક્ષર પટેલ છેલ્લી ઓવર નાખી રહ્યા હતા. આ દરમિયાન અમ્પાયર ક્રિસ થર્ગેટ દ્વારા અક્ષર પટેલના એક બોલને વાઈડ જાહેર કરવામાં આવ્યો. અગાઉથી જ વાઈડ બોલથી કંટાળેલી ટીમ ઈન્ડિયા માટે આ નિર્ણય મોટો આંચકો હતો. આ જોઈને કેપ્ટન શ્રેયસ અય્યર પોતાનો ગુસ્સો કાબૂમાં રાખી શક્યા નહીં અને તરત જ અમ્પાયર પાસે પહોંચી ગયા હતા.ટીવી સ્ક્રીન પર સ્પષ્ટ દેખાતું હતું કે શ્રેયસ અય્યર અમ્પાયરના આ નિર્ણયથી કેટલા અસંતુષ્ટ હતા અને તેમણે ખૂબ જ આક્રમક રીતે પોતાની નારાજગી વ્યક્ત કરી હતી. મેચના આવા નાજુક મોડ પર 1 એક્સ્ટ્રા રન આપવો ભારત માટે હારનું કારણ બની શકતો હતો.
અમ્પાયરોએ દબાણમાં આવીને બદલવો પડ્યો નિર્ણય
ભારતીય કેપ્ટનનો ભારે વિરોધ અને ખેલાડીઓના દબાણને જોઈને મેદાની અમ્પાયર ક્રિસ થર્ગેટ અને ક્રિસ બ્રાઉને આપસમાં ચર્ચા કરી હતી. આ ચર્ચા બાદ એક મોટો નાટકીય વળાંક આવ્યો અને અમ્પાયરોએ પોતાનો વાઈડ બોલનો નિર્ણય પાછો ખેંચીને તે બોલને લીગલ (વૈધ) બોલ જાહેર કર્યો હતો. અમ્પાયરના આ યુ-ટર્ને આખી મેચનું પાસું પલટી નાખ્યું હતું.
સાંસ રોકી દે તેવી મેચમાં ભારતની 2 રનથી જીત
આ ડ્રામા બાદ ભારતીય ટીમે મનોબળ જાળવી રાખ્યું અને આખરી બોલો પર જાપાનના બેટ્સમેનોને રન બનાવતા રોકી રાખ્યા હતા. 5 ઓવરમાં ભારતના 32/4 ના જવાબમાં જાપાનની ટીમ 30/3 રન જ બનાવી શકી હતી. આ રીતે ભારતે રોમાંચક મુકાબલામાં 2 રનથી શાનદાર વિજય મેળવ્યો હતો.
