પોરબંદર: જિલ્લામાં છેલ્લા 2 દિવસમાં આવેલા ભારેથી અતિભારે વરસાદને કારણે જનજીવન અસ્તવ્યસ્ત બન્યું છે. પોરબંદર જિપોરબંદરમાં આજે પણ મેઘરાજાનું રોદ્ર સ્વરૂપ યથાવત રહ્યું છે. માણાવદર અને કેશોદ તાલુકાના 20થી વધુ ગામો પાણીની કારણે સંપર્ક વિહોણા બન્યા છે. છેલ્લા 36 કલાકમાં 26 ઇંચ વરસાદ ખાબકતા તારાજીના દ્રશ્યો જોવા મળી રહ્યા છે. વિગતો મુજબ પોરબંદર જિલ્લામાં 554 લોકોનું સ્થળાંતર કરવામાં આવ્યું છે. આ સાથે પ્રાથમિક શાળા સહિતના શેલ્ટર હાઉસમાં ભોજનની પણ વ્યવસ્થા કરવામા આવી છે. આ તરફ વરસાદની આગાહી અને આજના વરસાદથી ઉપરવાસમાંથી આવી રહેલા પાણીના પગલે પોરબંદર શહેરમાં અને આસપાસના વિસ્તારોમાં નીચાવાળા એરિયામાં સલામતીના ભાગરુપે કામગીરી કરવામાં આવી છે. રાજ્યમાં આજે સવારના 6 વાગ્યાથી 2 વાગ્યા સુધીમાં 81 તાલુકામાં વરસાદ નોંધાયો છે. પોરબંદરના શહેર અને ગ્રામ્ય વિસ્તારના લોકોના જનજીવનને અસર પહોંચી છે. ભારે વરસાદના કરાણે આવેલા પૂરમાં પોરબંદર જામનગરને જોડતો રેલવે ટ્રેક ધોવાયો છે. જેને પગલે રેલવે સેવા બંધ કરવાની ફરજ પડી હતી.
રાજ્યમાં એક સાથે ત્રણ સીસ્ટમ સક્રિય થતા વરસાદ વરસી રહ્યો છે. પોરબંદરમાં આભ ફાટયા જેવી સ્થિતિ સર્જાઇ છે. પોરબંદરમાં શહેરમાં અનેક જગ્યાએ હજુ પણ પાણી ભરાયેલા છે. પાણીના કારણે પોરબંદરના ઓલવેધર પોર્ટમાં જવાનો રસ્તો બંધ થયો છે. રસ્તા પર પાણી ભરાતા સુભાષનગર જવાના રસ્તા બંધ થયા.
સૌરાષ્ટ્રમાં દ્વારકા, પોરબંદર, જૂનાગઢ, ગીરસોમનાથ, અમરેલી અને, રાજકોટમાં અત્યંત ભારે વરસાદ સાથે રેડ અલર્ટ જાહેર કરાયું છે. જ્યારે કચ્છ, જામનગર, મોરબી, સુરેન્દ્રનગર, બોટાદ અને, ભાવનગરમાં ઓરેન્જ અલર્ટ સાથે ભારેથી અતિભારે વરસાદની આગાહી કરાઇ છે.
