હરિયાણા વિધાનસભા ચૂંટણીના પરિણામો આવવામાં માત્ર થોડો સમય બાકી છે. એક તરફ ભાજપને સત્તા જાળવી રાખવાનો વિશ્વાસ છે તો બીજી તરફ કોંગ્રેસ સત્તામાં પરત ફરવાની આશા સેવી રહી છે. હરિયાણાના 22 જિલ્લાની 90 વિધાનસભા બેઠકોના પરિણામો માટે તમામ તૈયારીઓ પૂર્ણ કરી લેવામાં આવી છે. કયા સમયે મતગણતરી શરૂ થશે અને શું તેની કોઈ તૈયારીઓ છે તે દસ મુદ્દાઓ દ્વારા જાણીએ..
- હરિયાણા વિધાનસભા ચૂંટણી માટે સવારે 8 વાગ્યાથી મતગણતરી શરૂ થશે.
- પોસ્ટલ બેલેટની ગણતરી પહેલા થશે, અડધા કલાક પછી EVMથી મતોની ગણતરી શરૂ થશે.
- રાજ્યના 22 જિલ્લામાં 90 વિધાનસભા મતવિસ્તારો માટે 93 મતગણતરી કેન્દ્રો બનાવવામાં આવ્યા છે.
- બાદશાપુર, ગુરુગ્રામ અને પટૌડી વિધાનસભા મતવિસ્તાર માટે બે મતગણતરી કેન્દ્રો અને બાકીની 87 વિધાનસભા મતવિસ્તારો માટે એક-એક મતગણતરી કેન્દ્ર. જ્યાં મતગણતરી થશે.
- મતગણતરી પ્રક્રિયા પર દેખરેખ રાખવા માટે ભારતના ચૂંટણી પંચ દ્વારા 90 મતગણતરી નિરીક્ષકોની પણ નિમણૂક કરવામાં આવી હતી.
- કેન્દ્રીય સુરક્ષા દળોની 30 કંપનીઓ 93 મતગણતરી કેન્દ્રો પર તૈનાત કરવામાં આવી છે.
- રાજ્યભરમાં સ્થાપિત મતગણતરી કેન્દ્રો પર લગભગ 12 હજાર પોલીસકર્મીઓ ફરજ પર મુકાયા છે.
- મતગણતરી માટે ઉભા કરાયેલા 90 સ્ટ્રોંગ રૂમમાં સીસીટીવી કેમેરા પણ લગાવવામાં આવ્યા છે જેથી દરેક ગતિવિધિ પર ઝીણવટપૂર્વક નજર રાખી શકાય.
- મતગણતરી કેન્દ્રના મુખ્ય દ્વારથી સમગ્ર મતગણતરી કેન્દ્ર પરિસરમાં સીસીટીવી કેમેરા લગાવવામાં આવ્યા છે જેથી મતગણતરી સંબંધિત દરેક ગતિવિધિઓ પર નજર રાખી શકાય.
- મતગણતરી દરમિયાન પહેલા પોસ્ટલ બેલેટ અને પછી ઈવીએમની ગણતરી કરવામાં આવશે.
