અમદાવાદઃ ડીપીએસ બોપલમાં કલાત્મક અને સર્જનાત્મક અભિવ્યક્તિના વિવિધ પાસાંઓમાં લીન પ્રતિભાઓ, સર્જકો અને વાક્છટા ધરાવનારાં બાળકોને પ્રોત્સાહન આપવા માટે દર વર્ષે કેમ્પસમાં સુવિખ્યાત ઇન્ટરસ્કૂલ ઇવેન્ટ ‘સૃજન’નું આયોજન થાય છે. આ વર્ષે સ્થાપનાનાં 25 વર્ષની ઉજવણી અંગર્ગત વર્ચ્યુઅલ પ્લેટફોર્મ મારફતે સમયાંતરે વિવિધ પ્રકારની આંતર-શાળાકીય સ્પર્ધાઓના સ્વરૂપમાં સમગ્ર વર્ષ દરમિયાન ઊજવવાનું આયોજન કરવામાં આવ્યું હતું.
સ્કૂલના ધોરણ 4-5ના વિદ્યાર્થીઓ સ્વચ્છતા અભિયાન, પર્યાવરણ બચાવો, યોગનું મહત્ત્વ, સ્વચ્છતા ઝુંબેશમાં શિક્ષણનું મહત્ત્વ, આરોગ્યપ્રદ આહાર વગેરે જેવા પેટા-વિષયોની સાથે ‘સ્વસ્થ ભારત એક નયે આયામ’ પર પોતાના વિચારો અને આઇડિયા રજૂ કરી શકે એ માટે તેમને એક પ્લેટફોર્મ પૂરું પાડવા શનિવારે આ જ આયોજન હેઠળ એક ઓનલાઇન હિંદી શીર્ઘ સ્પર્ધા ‘ઉદગારોત્સવ’ – આશુ ભાષા પ્રતિયોગિતા આયોજિત કરવામાં આવી હતી.
આચાર્ય સુરેન્દર પાલ સચદેવાના વક્તવ્યની સાથે આ કાર્યક્રમની શરૂઆત થઈ હતી. શહેરની 11 પ્રતિષ્ઠિત શાળામાંથી અતિઉત્સાહી સહભાગીઓએ તેમાં ભાગ લીધો હતો. આ સ્વ-પ્રેરિત અને ઉત્સાહી વક્તાઓએ તેમનાં વક્તવ્યો દ્વારા દર્શકોને મંત્રમુગ્ધ કરી દીધાં હતાં. પ્રધાનાચાર્ય સબિના સાહની દ્વારા વિજેતાઓની જાહેરાત કરવામાં આવી હતી.
વિજેતાઓની યાદીઃ (1) શ્રીધા પંડ્યા – મહારાજા અગ્રસેન વિદ્યાલય, (2) રાહી પટેલ – કેલોરેક્સ પબ્લિક સ્કૂલ ઘાટલોડિયા (3) જૈની શ્રેયાંશ શાહ – એપલ ગ્લોબલ સ્કૂલ
