અમદાવાદઃ રાજ્યમાં ક્રાઇમ SOG ની ટીમે 15 કિલો ગાંજા સાથે ત્રણ લોકોની ધરપકડ કરી છે. મળતી માહિતી અનુસાર સુરતથી ગાંજો લઈને આવ્યા હતા અને જેને નારોલમાં ગાંજાનો સપ્લાય કરવાના હતા. જ્યારે સુરતમાં ચોક બજાર પોલીસે ગાંજાના મુદ્દા માલ સાથે એક શખ્સને પકડી પાડ્યો છે. આ શખ્સ પાસેથી 15 કિલો કરતાં વધુ ગાંજો જપ્ત કરવામાં આવ્યો છે. પોલીસે 14.53 કિલો ગાંજા સાથે રામચંદ્ર જના નામના શખસની ધરપકડ કરી તેની સામે એનડીપીએસ એક્ટ હેઠળ ગુનો દાખલ કર્યો છે.
આ અગાઉ વડોદરાના ઓખા પુરી એક્સપ્રેસ ટ્રેનમાંથી બિનવારસી ગાંજો મળી આવતા ચકચાર મચી ગઈ હતી. વડોદરા રેલવે SOG અને NDPSના પેટ્રોલિંગ દરમિયાન ગાંજાના ત્રણ પેકેટ મળી આવ્યા હતા. કોચ નંબર બે અને ત્રણના કોરિડોર વચ્ચે તપાસ દરમિયાન બિનવારસી હાલતમાં પાંચ કિલો ગાંજાનો ભરેલો થેલો મળ્યો હતો. હાલ રેલવે પોલીસે NDPS એક્ટ મુજબ અજાણ્યા શખ્સો વિરુદ્ધ ગુનો દાખલ કરી વધુ તપાસ હાથ ધરી છે.
સુરતમાં SOG અને કતારગામ પોલીસ દ્વારા સર્ચ ઓપરેશન હાથ ધરીને 4.28 લાખનો 42.800 કિલોગ્રામ ગાંજાનો જથ્થો ઝડપી પાડ્યો હતો. આ ઘટનામાં ગાંજાનો જથ્થો મૂકીને ફરાર થઈ જનારા ઇસમને વોન્ટેડ જાહેર કરી કાયદેસરની કાર્યવાહી હાથ ધરવામાં આવી હતી.
આ પહેલાં હાલમાં જ સુરત પોલીસ દ્વારા ઝૂંપડપટ્ટી વિસ્તારમાં સર્ચ ઓપરેશન કરવામાં આવ્યું હતું. જેમાં 43 કિલો ગાંજાનો જથ્થો ઝડપાયો SOG પોલીસે પકડી પાડ્યો હતો.
