અમદાવાદઃ ચાલુ નાણાકીય વર્ષમાં સરદાર વલ્લભભાઈ પટેલ ઈન્ટરનેશનલ એરપોર્ટે (SVPI) આઠ ફેબ્રુઆરી સુધીમાં 10 મિલિયનથી વધુ મુસાફરોને સેવા આપી નોંધપાત્ર સીમાચિહ્નને પાર કર્યું છે. આ નોંધપાત્ર સિદ્ધિ ગત વર્ષની સરખામણીમાં 50-દિવસ વહેલા મળી છે. અગાઉ 29 માર્ચ, 2023એ 10 મિલિયન પેસેન્જર્સનો આંકડો પહોંચ્યો હતો.
SVPI એરપોર્ટ હવે સરેરાશ 240 થી વધુ દૈનિક ફ્લાઇટ મુવમેન્ટની સુવિધા આપે છે અને તેના બે ટર્મિનલ દ્વારા 32,000 સ્થાનિક અને આંતરરાષ્ટ્રીય મુસાફરોને પૂરી સેવા પાડે છે. જનરલ એવિયેશન ટર્મિનલે વાઇબ્રન્ટ ગુજરાત ગ્લોબલ સમિટ, G20, U20 અને વર્લ્ડ કપ મેચો જેવી મોટી ઈવેન્ટ્સને સેવા આપવામાં પણ મહત્ત્વપૂર્ણ ભૂમિકા ભજવી છે, જે રેકોર્ડ પેસેન્જર સંખ્યામાં ફાળો આપે છે.
તાજેતરમાં કરાયેલાં વિકાસ કાર્યો:
|
એરપોર્ટે 20 નવેમ્બર, 2023એ 42,224 મુસાફરોને સેવા આપી હતી, જ્યારે 19 નવેમ્બરે 40,801 મુસાફરો અને 18 નવેમ્બરે 38,723 મુસાફરોએ મુસાફરી કરી હતી. 19 નવેમ્બર, 2023એ 359 ફ્લાઇટ મુવમેન્ટ સાથે સમાન સમયગાળામાં સૌથી વધુ ફ્લાઇટ મુવમેન્ટ રેકોર્ડ કરવામાં આવી હતી.
SVPI એરપોર્ટે પેસેન્જર ટ્રાફિકમાં ઝડપી વધારો થવા છતાં સીમલેસ મુસાફરીના અનુભવને પ્રાથમિકતા આપી છે. ઇન્ફ્રાસ્ટ્રક્ચરના વિસ્તરણને કારણે છેલ્લાં ત્રણ વર્ષમાં સ્થાનિક ટર્મિનલના વિસ્તારમાં 9000 ચોરસ મીટર અને આંતરરાષ્ટ્રીય ટર્મિનલના વિસ્તારમાં 10,000 ચોરસ મીટરનો વધારો થયો છે, જેમાં અનેક ઈન્ફ્રાસ્ટ્રક્ચર ડેવલપમેન્ટ પ્રોજેક્ટ્સનો સમાવેશ થાય છે.
હાલ સરદાર વલ્લભભાઈ એરપોર્ટ ઈન્ટરનેશનલ એરપોર્ટ 42 સ્થાનિક સ્થળોને સાત એરલાઈન્સ સાથે અને 15 ઈન્ટરનેશનલ ડેસ્ટિનેશનને 18 એરલાઈન્સ સાથે જોડે છે. જે પ્રવાસીઓને અનેક કનેક્ટિવિટીના વિકલ્પો આપે છે.
