વડોદરામાં અભિવ્યક્તિ ધ સિટી આર્ટસ પ્રોજેક્ટ એ ટોરેન્ટ ગ્રુપના મહેતા પરિવારના UNM ફાઉન્ડેશનની પહેલ છે. અમદાવાદમાં ચાર સફળ આવૃત્તિઓ પૂર્ણ કર્યા પછી, અભિવ્યક્તિ 30મી સપ્ટેમ્બર અને 1લી ઓક્ટોબર, 2023ના રોજ વડોદરા શહેરમાં તેનું પ્રથમ પરફોર્મન્સ યોજવા જઈ રહી છે.
આ ફેસ્ટિવલમાં 250થી વધુ કલાકારોની સહભાગીતા જોવા મળી. જેમને આ પહેલ થકી UNM ફાઉન્ડેશન દ્વારા પ્લેટફોર્મ પૂરું પાડવામાં આવ્યું હતું. અમદાવાદ અને સુરતમાં અંદાજે 1 લાખ લોકો પરફોર્મન્સનો આનંદ લઈ ચૂક્યા છે. અભિવ્યક્તિને અમદાવાદ શહેરની બહાર લઈ જવાની એમની યોજના હેઠળ UNM ફાઉન્ડેશને અભિવ્યક્તિ સુરતના બેનર હેઠળ ફેબ્રુઆરી 2023માં સુરતમાં બે દિવસીય ઉત્સવનું આયોજન કર્યું હતું.
હવે વડોદરામાં અભિવ્યક્તિ વડોદરાના બેનર હેઠળ બે દિવસીય મહોત્સવનું આયોજન કરવામાં આવ્યું છે. આ ફેસ્ટિવલનું આયોજન 30મી સપ્ટેમ્બર અને 1લી ઓક્ટોબરના રોજ એલેમ્બિક આર્ટ ડિસ્ટ્રિક્ટ, વડોદરા ખાતે કરવામાં આવશે. અભિવ્યક્તિ વડોદરા, અમદાવાદની આવૃત્તિ-4 માંથી એના ત્રણ સૌથી વધુ વખણાયેલા અને સફળ પરફોર્મન્સ લાવી રહ્યું છે. ફેસ્ટિવલમાં પ્રેક્ષકોની એન્ટ્રી મફત છે અને વહેલા તે પહેલાના ધોરણે બધા માટે ખુલ્લો છે.
કલાકારોનો પરિચય અને બે દિવસ દરમિયાન એમના દ્વારા રજૂ કરવામાં આવનાર કૃતિ
પી.એસ. ચારી, એક પ્રખ્યાત કલાકાર, દિગ્દર્શક અને શિક્ષક છે. જે 35 વર્ષથી થિયેટર કરે છે. થિયેટરમાં એમનો બહોળો અનુભવ અને વાર્તાઓ કહેવાની અનોખી શૈલીએ એમને નેશનલ થિયેટર ફેસ્ટિવલ, ભારત રંગ મહોત્સવ, ઇન્ડિયા થિયેટર ઓલિમ્પિયાડ (2018), વેસ્ટ ઝોન કલ્ચરલ સેન્ટર થિયેટર ફેસ્ટિવલ (ઉદયપુર) અને ગુજરાત સંગીત નાટક એકેડેમી ફેસ્ટિવલ અન્ય પ્રતિષ્ઠિત પ્લેટફોર્મ પર જાણીતા કર્યા છે અને નામના અપાવી છે. અનુભૂતિ પ્લેટફોર્મ પર એમના નાટક દ્વારા ડાંગની મૌખિક લોકકથા- ધ ટેલ ઓફ કણસરી દ્વારા શ્રી ચારી ડાંગ જિલ્લાના કુકણા સમુદાયની સ્થાનિક આદિજાતિની વાર્તાને મંચ પર લાવશે. “કણસરી” શીર્ષક, એક મહિલાની વાર્તા વર્ણવે છે. જે વિશ્વમાં પ્રજનન અને જીવન માટે લડે છે જ્યાં બધું નાશવંત છે. હૃદયદ્રાવક અને આંખ ખોલનારી વાર્તા અને તેમાં કલાકારો દ્વારા ભાવનાત્મક પ્રદર્શન પ્રેક્ષકોને અંત સુધી જકડી રાખશે.
ઇક્વારા- હાર્દિક વે દ્વારા શબ્દ પરિક્રમા
30મી સપ્ટેમ્બર રાત્રે 9.00 કલાકે, વિવિધ રાજ્યો અને રાષ્ટ્રીયતાના લોકસંગીતની શોધખોળની તેની સફરમાંથી પ્રેરણા લઈને, હાર્દિક “શબ્દ પરિક્રમા” નામની એક અનોખી કૃતિ રજૂ કરશે. ગુજરાતથી શરૂ કરીને, આ પ્રોડક્શન પ્રેક્ષકોને દેશભરના સંગીતની ઝલક આપશે. આ પર્ફોર્મન્સ પિયાનો, પર્ક્યુસન, ચેલો, ઉડ્ડ અને કરતલ જેવા વાધોનું રસપ્રદ મિશ્રણ રજૂ કરશે, સંગીતાના સૂરો સાથે પ્રેક્ષકોની આ પર્ફોર્મન્સ તમામ પ્રદેશોની સંગીત યાત્રા પર લઇ જાય છે.
‘કોરી શાહીનો કલામ’
1લી ઓક્ટોબર રાત્રે 8.00 વાગ્યે તાપી પ્રોજેક્ટ, સુરતના એક પ્રિય બેન્ડ કે જેઓ યુરોપમાં નિયમિત કલાકારો છે. તેઓ ‘કોરી શાહીનો કલામ’ સાથે સ્ટેજ પર પોતાની કૃતિ રજૂ કરશે. પ્રદર્શનમાં જાત સાથે એકમયતા સાધીને અને શરતો, નિયમો અને અન્ય બંધનો તોડી સ્વમાં લીન થવા વિશેના ગીતોનો સમાવેશ થાય છે. તેમની આ અભિવ્યક્તિ સાચા અર્થમાં શ્રોતાઓને તેમની ઇન્દ્રિયોને પાર જઈને સાંભળવા, જોવા, સ્પર્શનો અનુભવ કરવાનું આમંત્રણ છે. અભિવ્યક્તિ સુરતમાં પણ આ પ્રદર્શનનું આયોજન કરવામાં આવ્યું હતું.
યુનિક અને ભવ્ય આર્ટ ફોર્મ્સ
ધ સિટી આર્ટ્સ પ્રોજેક્ટ એ ટોરેન્ટ ગ્રૂપના મહેતા પરિવારના યુએનએમ ફાઉન્ડેશનની એક પહેલ છે, જે ફ્રી એન્ટ્રી દ્વારા (શારીરિક અને વ્યક્તિગત) અને સામાજિક મર્યાદાઓ વિના પ્રેક્ષકો સુધી, કલાને સરળતાથી પહોંચાડવાની અને તેને સામાજીક રચનાના એક અભિન્ન ભાગ બનાવવાની કલ્પના કરે છે.
સાંસ્કૃતિક લેન્ડસ્કેપમાં એક નવો અધ્યાય શરૂ
આવા વિઝન તરફ મિશનનો ધ્યેય ઉભરતી પ્રતિભાને ઓળખવા અને તેને પીઠબળ આપવાનું છે અને પછી તમામ શૈલીના આ કલાકારોને શહેર અને તેની શહેરીજનો સમક્ષ તેમની કલા રજૂ કરવા માટે યોગ્ય પ્લેટફોર્મ પ્રદાન કરવાનું છે. અભિવ્યક્તિ, વડોદરાના કલા અને સાંસ્કૃતિક લેન્ડસ્કેપમાં એક નવો અધ્યાય શરૂ કરવા માટે તૈયાર છે. એક ઉત્સવ તરીકે તેને આગળ ધપાવવા પ્રયત્નશીલ છે.
અભિવ્યક્તિમાં નૃત્ય, સંગીત, ચિત્ર, ફોટોગ્રાફી, સ્થાપન અને થિયેટરથી માંડીને અસંખ્ય કલા સ્વરૂપોનો સમાવેશ થાય છે. અભિવ્યક્તિનો ઉદ્દેશ્ય આંતરરાષ્ટ્રીય ગુણવત્તાની કલાને લોકો સુધી પહોંચાડવાનો છે, અને તે પણ તદ્દન મફત!
