AMTS ડ્રાઈવરની બેદરકારી સામે આવી છે. અદાવાદના ભૂલાભાઈ પાર્કપાસે AMTS ડ્રાઈવરે એક બાઈક ચાલકને હડફેટે લેવાની ઘટના સામે આવી છે. અકસ્માતમાં બાઈક ચાલકનું ઘટના સ્થળે જ કમકમાટી ભર્યું મોત સર્જાયું છે. AMTS ચાલક અકસ્માત બાદ નાસી છૂટ્યો. ગમખ્વાર અકસ્માતના CCTV સામે આવ્યા હતા. જેમાં AMTS ચાલકની બદરકારી નજરે જોવા મળી રહી હતી.
અમદાવાદના મણિનગર વિસ્તારના ભુલાભાઈ પાર્ક ચાર રસ્તા પાસે અકસ્માતની આ ઘટના બની હતી. એએમટીએસની ટક્કરે યુવાનના કમકમાટીભર્યા મોતનો વીડિયો સામે આવ્યો છે. શહેરના ભુલાભાઇ પાર્ક ચાર રસ્તા પાસે એએમટીએસની ટક્કરે એક્ટિવા ચાલકનું મોત નિપજ્યું છે. અકસ્માત સર્જી એએમટીએસ બસ ચાલક ત્યાંથી રમરમાટ ગાડી દોડાવીને ફરાર થઈ ગયો હતો.
CCTVના આધારે પોલિસે પ્રાથમિક તપાસ હાથ ધરી હતી. જેમાં જાણવા મળ્યું કે અકસ્માત સર્જનાર બસની એજન્સી અર્હમ ટ્રાવેલ્સ છે. અર્હમ ટ્રાવેલ્સના માલિક મણિનગરના પૂર્વ કોર્પોરેટર આનંદ ડાગા છે. તો બીજી તરફ, આનંદ ડાગાના પત્ની શિતલ ડાગા હાલ એએમસીમાં ભાજપના દંડકના પદે છે. જોકે, સમગ્ર અકસ્માતમાં AMC દ્વારા એજન્સીને ફક્ત 2 લાખનો દંડ ફટકારવામાં આવ્યો છે.
