અમદાવાદમાં સાબરમતી રીવરફ્રન્ટ ખાતે ઈન્ટરનેશનલ ફ્લાવરશોનું આયોજન થયું હતું. જેનુ 24 દિવસ બાદ સમાપ્ન થયું છે. આ વર્ષે ફ્લાવરશોની લગભગ 13 લાખ લોકોએ મુલાકત લીધી હતી. એ રીતે જોવા જઈએ તો ફ્લાવરશોથી તંત્રને લગભગ રૂપિયા 12.90 કરોડ રૂપિયાની આવક થઈ છે. જ્યારે નર્સરીના રોપા તથા ફિડ સ્ટોલના ભાડાની આવક મળીને લગભગ રૂપિયા 14 કરોડની આવક નોંધાય છે. તારીખ 28થી 31 જાન્યુઆરી સુધી અમદાવાદ મ્યુનિસિપલ તંત્ર દ્વારા ફલાવરશોમાં જે સીઝનલ ફુલ રાખવામાં આવ્યા હતા તેને શહેરીજનો મ્યુનિસિપલ કોર્પોરેશનની પાંચ અલગ અલગ નર્સરી ખાતેથી મેળવી શકશે. જેની કિંમત રૂપિયા 10થી માંડી 235 સુધીની નક્કી કરવામાં આવી છે.
અમદાવાદના રિવરફ્રન્ટ ખાત 3જી જાન્યુઆરીથી ફ્લાવરશોનો ભવ્ય પ્રારંભ થયો હતો. આ ફ્લાવરશોને લંબાવીને 26 જાન્યુઆરી સુધી ચલાવવામાં આવ્યો હતો. આ વર્ષે ફ્લાવરશોના આયોજન પાછળ મ્યુનિસિપલ કોર્પોરેશન દ્વારા રુપિયા પંદર કરોડનો ખર્ચ કરવામાં આવ્યો હતો. સત્તાધારી પક્ષ તરફથી ફ્લાવરશોમાં પ્રિ-વેડિંગ અને મૂવી, જાહેરાતના શૂટીંગ માટે 25 હજારથી લઈ 1 લાખ સુધીના દર નકકી કરવામાં આવ્યા હતા. ફલાવરશોમાં કુલ 12.86 લાખ મુલાકાતી આવ્યા હતા. 14 જાન્યુઆરીએ એક જ દિવસમાં ફલાવરશોની કુલ 1.30 લાખથી વધુ લોકોએ મુલાકાત લીધી હતી. પાંચ નર્સરીઓ ૩૧ જાન્યુઆરી સુધી સવારના ૯થી બપોરના ૧ તથા બપોરના ૨થી સાંજના ૬ કલાક સુધી ખુલ્લી રાખવામાં આવશે. રોપા લઈ જવા માટે ખરીદનારે પોતાનુ વાહન લઈ જવુ પડશે. રોપા નકકી કરવામા આવ્યા પછી નિયત રકમ ચૂકવવામાં આવ્યા પછી રોપા આપવામાં આવશે. અમદાવાદ મ્યુનિ.ની પાંચ નર્સરીઓ ઉપરથી સિઝનલ પ્રકારના ફુલો કે જેમાં ગજેનીલા, ડાયનથશ, સિલાસીયા, વિન્કા, કેલેન્ડુલા, બીગોનીયા, હાયપોસ્ટિસ, સિલ્વર ડસ્ટ, પીટુનીયા, સેવંતી, સાલ્વીયા એસ્ટર જેવા રોપા મળશે.જયારે ૬ ઈંચ ઉંચા એવા ઓર્નામેન્ટલ કેલે, પોટપાનસેટીયા તથા ૮ ઈંચ ઉંચા એવા પોટ પાનસેટીયા સહીતના અન્ય ઉપલબ્ધ રોપા મળશે.
