વિદેશી બજારોમાં ભાવ ઘટવાને કારણે જ્વેલર્સની ભારે વેચવાલી વચ્ચે ગુરુવારે સ્થાનિક બજારમાં સોનાના ભાવમાં ત્રીજા દિવસે પણ ઘટાડો ચાલુ રહ્યો હતો. તે જ સમયે, ચાંદીના ભાવમાં પણ ઘટાડો જોવા મળ્યો હતો.
સાનેનો ભાવ સતત ઘટી રહ્યો છે
ગુરુવારે સોનું રૂ.1,000 ઘટીને રૂ.70,650 પ્રતિ 10 ગ્રામ પર આવી ગયું હતું. ઓલ ઈન્ડિયા બુલિયન એસોસિએશનના જણાવ્યા અનુસાર બુધવારે છેલ્લા સત્રમાં સોનાની કિંમત 71,650 રૂપિયા પ્રતિ 10 ગ્રામ પર બંધ થઈ હતી. રાષ્ટ્રીય રાજધાનીમાં ત્રીજા દિવસે પણ ઘટાડો ચાલુ રહ્યો હતો, જેમાં 99.9 ટકા અને 99.5 ટકા શુદ્ધતાનું સોનું અનુક્રમે રૂ. 1,000 ઘટીને રૂ. 70,650 પ્રતિ 10 ગ્રામ અને રૂ. 70,300 પ્રતિ 10 ગ્રામ થયું હતું.
ચાંદી પણ સસ્તી થઈ
ચાંદીનો ભાવ પણ રૂ.3,500 ઘટીને રૂ.84,000 પ્રતિ કિલો પર આવી ગયો હતો. પાછલા સત્રમાં તે રૂ. 87,500 પ્રતિ કિલોએ બંધ રહ્યો હતો. 23 જુલાઈથી છેલ્લા ત્રણ સત્રમાં સોનાના ભાવમાં પ્રતિ કિલો રૂ. 5,000નો ઘટાડો થયો છે. 23 જુલાઈએ સોનાની કિંમત 3,350 રૂપિયા ઘટીને 72,300 રૂપિયા પ્રતિ કિલો થઈ ગઈ હતી. આ વર્ષનો આ સૌથી મોટો ઘટાડો છે.
![](https://chitralekha.com/chitralemag/wp-content/themes/Newspaper/images/whatsapp-channel-follow.png)