નવી દિલ્હીઃ જાણીતા કોમેડિયન રાજુ શ્રીવાસ્તવ આજે સવારે અહીંના એક જિમ્નેશ્યમમાં કસરત કરતી વખતે ઢળી પડ્યા હતા. એમને હાર્ટ એટેક આવ્યો હતો. એમને તરત જ AIIMS હોસ્પિટલમાં લઈ જવામાં આવ્યા હતા.
ત્યાં ડોક્ટરોએ કહ્યું કે 58 વર્ષીય શ્રીવાસ્તવને હળવો હાર્ટ એટેક આવ્યો હતો, પરંતુ એ સ્વસ્થ છે અને ભાનમાં છે. શ્રીવાસ્તવ જિમ્નેશ્યમમાં એક ટ્રેડમિલ પર દોડતી વખતે ઢળી પડ્યા હતા. એમને હોસ્પિટલમાંથી રજા આપતા પહેલાં બે દિવસ તબીબી નિરીક્ષણ હેઠળ રખાશે.
