લાતુર: મહારાષ્ટ્રના લાતુર જિલ્લામાં વીજળી વિભાગની મનમાની હવે ગ્રામજનો પર ભારે પડી રહી છે. અહીં વીજળી વિભાગે આખા ગામ પર વીજળી ચોરીનો આરોપ મૂક્યો છે અને દંડ રૂપે મોટી રકમ વસૂલવા લાગ્યો છે. વીજળી વિભાગના કર્મચારીઓ મીટર રીડિંગ લીધા વગર પોતાનાં મનગમતાં બિલ બનાવીને મોકલી રહ્યા છે. ઘણા લોકોને એક લાખથી વધુનાં બિલ મળ્યાં છે, જ્યારે તેમના ઘરે કોઈ ખાસ વીજળીનાં ઉપકરણો પણ નથી.
વીજળીના બિલમાં સ્પષ્ટ લખેલું છે કે કયા ગ્રાહક પાસેથી વીજળી ચોરીના બદલામાં કેટલા રૂપિયા વસૂલવામાં આવ્યા છે. મહારાષ્ટ્ર રાજ્ય વીજળી વિભાગે ગ્રામજનોને રૂ. 50,000થી લઈ આશરે 1.5 લાખ રૂપિયાં સુધીનાં બિલ મોકલીને હેરાનપરેશાન કર્યા છે.
200 લોકો પર પડ્યો આંચકો
આ મામલો લાતુર જિલ્લાના રામલિંગ મુદગડ ગામનો છે. રાજ્ય વીજળી વિભાગે આશરે 200 જેટલા વીજગ્રાહકોને આ અનપેક્ષિત બિલ મોકલ્યા છે. ટીનની છતવાળું ઘર ધરાવતા દાદાને 1.5 લાખ જેટલું બિલ મોકલવામાં આવ્યું છે. ગ્રામજનોનો આરોપ છે કે જ્યારે તેઓ બિલ ભરવા જાય છે, ત્યારે તેમને ‘વીજળી ચોર’ તરીકે સંબોધવામાં આવે છે.
ગ્રામજનોમાં ગુસ્સો
ગ્રામજનોનો કહેસ છે કે, જ્યારે વિજળીનો એટલો ઉપયોગ કર્યો જ નથી, તો બિલ એટલું ઊંચું કેમ આવ્યો? રાજ્ય વિજળી વિભાગ દ્વારા વીજચોરી માટે રકમ વસૂલવાની નોંધ બિલમાં દર્શાવવામાં આવતી હોવાથી ગામના લોકોએ તેનું વાંધો ઉઠાવ્યો છે. લોકોનું કહેવું છે કે, વિજળી વિભાગે સીધા 200 લોકોને ‘ચોર’ ઘોષિત કરીને આખા ગામની બદનામી કરી છે.
બિલ ઘટાડવાની માગ
ગ્રામજનોની માગ છે કે મહારાષ્ટ્ર વીજળી વિભાગે આ ફરિયાદો પર ગંભીરતાથી વિચાર કરવો જોઈએ અને સાચી મીટર રીડિંગને આધારે બિલ મોકલવાં જોઈએ. લોકોની સ્પષ્ટ માગ છે કે અતિશય ઉંચાં બિલો ઘટાડી દેવાં જોઈએ. હાલ વિજળી વિભાગ તરફથી આ મામલે કોઈ સત્તાવાર નિવેદન આપાયું નથી. હવે જોવાનું એ રહેશે કે ગ્રામજનોની વાત સાંભળી રાજ્ય વિજળી વિભાગ શો નિર્ણય લે છે.
