અમદાવાદ: CEPT યુનિવર્સિટીએ 21 ફેબ્રુઆરી, 2025ના રોજ તેના ઉદ્ઘાટન અને એવોર્ડ સમારોહમાં CEPT એક્સેલન્સ એવોર્ડ્સ 2025ના વિજેતાઓનું સન્માન કર્યું. CEPT એક્સેલન્સ એવોર્ડ્સનો ઉદ્દેશ્ય સમગ્ર સેમેસ્ટર દરમિયાન તેમના સ્ટુડિયો યુનિટમાં વિદ્યાર્થીઓ દ્વારા કરવામાં આવેલા અસાધારણ કાર્યને સ્વીકારવાનો અને ઉજવણી કરવાનો છે.
આ વિજેતાઓની જાહેરાત યુનિવર્સિટી દ્વારા નિયુક્ત કરાયેલ એક પ્રતિષ્ઠિત જ્યુરી પેનલ દ્વારા કરવામાં આવેલા મૂલ્યાંકનના આધારે કરવામાં આવે છે. આ વર્ષે, જ્યુરી પેનલમાં સ્ટીવન સ્મિથ (ડિરેક્ટર, અર્બન નેરેટિવ), સુરંજના સતવાલેકર (સ્થાપક, સતવાલેકર ડિઝાઇન સ્ટુડિયો), પંકજ ગુપ્તા અને અપૂર્વ પરીખ (ડિરેક્ટર, મલ્ટી મીડિયા કન્સલ્ટન્ટ્સ પ્રાઇવેટ લિમિટેડ)નો સમાવેશ થાય છે. આ જ્યૂરી પેનેલે ખૂબ જ કાળજીપૂર્વક સૌથી ઉત્કૃષ્ટ પ્રોજેક્ટ્સ પસંદ કર્યા છે. પ્રદર્શનમાં 9 વિદ્યાર્થી પ્રોજેક્ટ્સ અને બે સ્ટુડિયો પ્રોજેક્ટ્સ છે. જેમને મોનસૂન સેમેસ્ટર 2024 દરમિયાન તેમના ઉત્તમ કાર્ય માટે માન્યતા આપવામાં આવી છે.
પસંદ કરાયેલા વિદ્યાર્થી પ્રોજેક્ટ્સમાંથી, સમીક્ષા પેનલે CEPT ગુજરાલ ફાઉન્ડેશન એક્સેલન્સ એવોર્ડ્સના વિજેતા તરીકે જશ ભદ્રેશ્વર (FA UG ’21), અમાન લોખંડવાલા (FA UG ’20) અને આર્કિટેક્ચર ફેકલ્ટીમાં એક્સચેન્જ વિદ્યાર્થી લિયોની સિંગરને પસંદ કરવામાં આવ્યા છે. આ એવોર્ડ મોનસૂન સેમેસ્ટર ’24 દરમિયાન બનાવવામાં આવેલા સ્ટુડિયો કાર્યમાં શ્રેષ્ઠતાની ઓળખ સમાન છે. દરેક વિજેતાને 1 લાખ રૂપિયાનું રોકડ ઇનામ આપવામાં આવ્યું છે.
CEPT યુનિવર્સિટીના પ્રમુખ પ્રોફેસર બર્જોર મહેતા અને CEPT યુનિવર્સિટીના પ્રોવોસ્ટ પ્રોફેસર ત્રિદીપ સુહૃદે તમામ વિજેતાઓનું સન્માન કર્યું અને તમામ ફેકલ્ટી સભ્યો, સ્ટાફ અને વિદ્યાર્થીઓની હાજરીમાં ટોચના 3 ગુજરાલ ફાઉન્ડેશન એવોર્ડ વિજેતાઓને રોકડ ઇનામ એનાયત કર્યું. તમામ એક્સેલન્સ એવોર્ડ વિજેતાઓના પ્રોજેક્ટ્સ 22 ફેબ્રુઆરીથી 16 માર્ચ, 2025 દરમિયાન કેમ્પસમાં લીલાવતી લાલભાઈ લાઇબ્રેરીમાં સવારે 10 થી રાત્રે 8 વાગ્યા દરમિયાન મુલાકાતીઓ માટે પ્રદર્શિત કરવામાં આવ્યા છે.
