નવી દિલ્હીઃ દિલ્હીમાં આમ આદમી પાર્ટીના વરિષ્ઠ નેતા અને ગુજરાતના સહ-પ્રભારી ધારાસભ્ય દુર્ગેશ પાઠકના ઘરે CBIએ દરોડા પાડ્યા છે. CBIએ આ દરોડા ફોરેન કોન્ટ્રિબ્યુશન રેગ્યુલેશન એક્ટથી જોડાયેલા મામલામાં પાડ્યા છે. આ દરોડા અંગે AAPએ આરોપ લગાવ્યો છે કે દુર્ગેશ પાઠકને ગુજરાત ચૂંટણીની જવાબદારી સોંપાયા પછી તરત જ આ કાર્યવાહી કરવામાં આવી હતી.
આ વિદેશી ફન્ડિંગ (FCRA)થી જોડાયેલો મામલો છે. CBIના દરોડાને લઈને આપ પાર્ટીએ ભાજપ પર નિશાન સાધતાં કહ્યું હતું કે ભાજપનો ગંદો ખેલ ફરીથી શરૂ થયો છે. એ પક્ષને ખતમ કરવા દરેક દાવ અજમાવી રહ્યો છે.
દિલ્હી સ્થિત આમ આદમી પાર્ટીના ભૂતપૂર્વ ધારાસભ્યના આવાસ પર CBI દરોડાનો દાવો કરતાં આમ આદમી પાર્ટીના અનેક નેતાઓએ સોશિયલ મિડિયા પર પોસ્ટ શેર કરી હતી. ભૂતપૂર્વ CM આતિશી, ભૂતપૂર્વ નાયબ CM મનીષ સિસોદિયા અને જેસ્મિન શાહ સહિત અનેક નેતાઓએ સોશિયલ મિડિયા પર પોસ્ટ શેર કરી આ વિશે માહિતી આપી હતી.
BJP का गंदा खेल फिर शुरू
गुजरात के सहप्रभारी @ipathak25 के घर CBI का पहुँची है।
मोदी सरकार ने @AamAadmiParty को ख़त्म करने का हर हथकंडा अपना कर देख लिया लेकिन फिर भी उनको चैन नही।
गुजरात में BJP की हालत पतली है जैसे ही @ipathak25 को गुजरात का सहप्रभारी बनाया गया उनको धमकाने के…— Sanjay Singh AAP (@SanjayAzadSln) April 17, 2025
મનીષ સિસોદિયાએ X પર પોસ્ટ શેર કરતાં લખ્યું હતું કે 2027માં ગુજરાતમાં યોજાનારી વિધાનસભા ચૂંટણીની જવાબદારી મળતાની સાથે જ દુર્ગેશ પાઠકના ઘરે CBIના દરોડા પાડવામાં આવ્યા છે. આ કોઈ સંયોગ નથી, પરંતુ ભાજપનું કાવતરું છે. ભાજપ જાણે છે કે ગુજરાતમાં હવે ફક્ત આમ આદમી પાર્ટી જ તેને ચેલેન્જ કરી શકે છે. આ હકીકતે ભાજપને હચમચાવી દીધી છે.
गुजरात चुनाव 2027 की ज़िम्मेदारी मिलते ही दुर्गेश पाठक @ipathak25 के घर पर CBI रेड!
ये कोई इत्तेफाक नहीं, ये बीजेपी की डर से निकली हुई साज़िश है।BJP जानती है कि गुजरात में अब सिर्फ़ आम आदमी पार्टी ही उन्हें चुनौती दे सकती है — और इस सच्चाई ने उन्हें हिला दिया है।
डर की गूंज,…
— Manish Sisodia (@msisodia) April 17, 2025
દુર્ગેશ પાઠકના ઘરે CBI દરોડાનો દાવો કરતાં રાજ્યસભા સાંસદ સંજય સિંહે કહ્યું હતું કે ભાજપની ગંદી રમત શરૂ થઈ ગઈ છે. ગુજરાતના પ્રભારીના ઘરે CBI પહોંચી છે. મોદી સરકારે આમ આદમી પાર્ટીને ખતમ કરવાની તમામ યુક્તિ અજમાવી છે તેમ છતાં તેમને શાંતિ નથી મળી. ગુજરાતમાં ભાજપની સ્થિતિ કથળી રહી છે. આમ આદમી પાર્ટીએ જેવું દુર્ગેશ પાઠકને ગુજરાત ચૂંટણીના પ્રભારી બનાવ્યા તેમને ધમકાવવા માટે CBI મોકલી દેવામાં આવી છે.
