મુંબઈઃ ચંદ્રયાન-3 મિશને ચંદ્રની ધરતી પર દક્ષિણ ધ્રુવ પર ઉતરાણ કરીને ભારત માટે ઈતિહાસ સર્જ્યો છે. ઈસરો સંસ્થાના વૈજ્ઞાનિકોએ આ અવકાશયાન રૂ. 615 કરોડમાં બનાવ્યું છે. વાચકોને નવાઈ લાગશે કે આ અવકાશયાન કરતાં બમણી કિંમતે એક કાર વેચવામાં આવી છે. આ સાથે તે દુનિયાની સૌથી મોંઘી કાર બની છે.
આ કાર છે, 1955 મર્સિડીઝ-બેન્ઝ 300 SLR Uhlenhaut Coupe. ગયા વર્ષે કરવામાં આવેલી હરાજીમાં આ કાર રૂ. 1,203 કરોડમાં વેચાઈ હતી. કાર ખરીદનારનું નામ જાહેર કરવામાં આવ્યું નથી. આ કાર અગાઉ મર્સિડીઝ-બેન્ઝ કંપની પાસે જ હતી.
