નવી દિલ્હીઃ સરકાર વધારે 10 નેશનલ હાઈવેને લીઝ પર આપીને આશરે 66 અબજ રુપિયા પ્રાપ્ત કરવાની યોજના બનાવી રહી છે. આ રકમનો ઉપયોગ રોડ કન્સ્ટ્રક્શન માટે કરવામાં આવશે. નેશનલ હાઈવે ઓથોરિટી ઓફ ઈન્ડિયાના મેમ્બર રોહિતકુમાર સિંહેના જણાવ્યા અનુસાર સરકારની માલિકીહકના હાઈવેને લીઝ પર આપવાના બીજા રાઉન્ડ માટે એપ્રિલમાં બોલી લગાવવામાં આવશે. આ હાઈવે ટોલ ઓપરેટ ટ્રાન્સફર મોડલ પર આપવામાં આવશે.
નેશનલ હાઈવેમાં રોકાણ કરવાને લઈને પ્રાઈવેટ સેક્ટરની રૂચિ રહી છે. આ હાઈવે માટે ટોપ ગ્લોબલ પ્રાઈવેટ ઈક્વિટી અને પેન્શન ફંડ્સ દ્વારા બોલી લગાવવામાં આવે તેવી શક્યતાઓ છે. લીઝ પર આપવામાં આવનારા હાઈવેની ઓળખ કરવામાં આવી રહી છે.
સરકારે હમણા જ ગુજરાત અને આંધ્ર પ્રદેશમાં 9 જેટલા નેશનલ હાઈવેને લીઝ પર આપવા માટે નીલામી કરી હતી. જેમાં ઓસ્ટ્રેલિયાના ઈન્વેસમેન્ટ બેંકિંગ અને ફાઈનાન્શિયલ સર્વિસીઝ ગ્રુપ મેક્વાયરીએ બોલી જીતી હતી. કંપનીએ 9 નેશનલ હાઈવે માટે 9,681 કરોડ રૂપિયાની બોલી લગાવી હતી જ્યારે સરકારને માત્ર 6,258 કરોડ રૂપિયા જ મળવાની આશા હતી.
