નજીકના ભવિષ્યમાં સ્ટોક બ્રોકર્સ અને અન્ય ઈન્ટમીડિયેટ્સ માટે પણ E-KYC સુવિધા શરૂ કરશે
મુંબઈ, તા. 26 મે, 2020ः દેશના સૌથી મોટા મ્યુચ્યુઅલ ફંડ પ્લેટફોર્મ બીએસઈ સ્ટાર એમએફ પર રોકાણકારો સરળતાથી કામકાજ કરી શકે એ માટે ઈકેવાયસી સુવિધા શરૂ કરવામાં આવી છે. મ્યુચ્યુઅલ ફંડ ઉદ્યોગને એન્ડ ટુ એન્ડ મૂલ્યવર્ધિત સર્વિસીસ પૂરી પાડવાના સતત પ્રયત્નોના ભાગરૂપે શરૂ કરવામાં આવેલી આ સુવિધાની જે મુખ્ય વિશેષતાઓ છે, એમાં યુઝર ફ્રેન્ડલી વેબ અને વિવિધ સહભાગીઓ માટે મોબાઈલ ઈન્ટરફેસ, કેવાયસી ડોક્યુમેન્ટ્સનું ડિજિટલી વેરિફિકેશન્સ અને કેઆરએ સિસ્ટમ્સ સાથેના સંકલનનો સમાવેશ થાય છે.
એ ઉપરાંત આઈડીઝ અને ડોક્યુમેન્ટ્સના સફળ વેરિફિકેશનના કિસ્સામાં રિયલ ટાઈમ મંજૂરી (એપ્રુવલ)નો સમાવેશ થાય છે. નવા પ્રવેશી રહેલા રોકાણકારો માટે આ ઈકેવાયસી સર્વિસીસ ઘણી મુશ્કેલીઓ દૂર કરશે.
બીએસઈ સ્ટોક બ્રોકર્સ અને અન્ય માન્ય ઈન્ટરમીડિયેટ્સ માટે નજીકના ભવિષ્યમાં ઈકેવાયસી સુવિધા પૂરી પાડવાની યોજના ધરાવે છે અને તે માટે સ્ટોક બ્રોકર્સ અને અન્ય ઈન્ટરમીડિયેટ્સ માટે એપીઆઈઝ ઈશ્યુ કરશે, જેથી તેઓ તેમની આઈટી સિસ્ટમ્સને બીએસઈની ઈકેવાયસી સિસ્ટમ સાથે જોડી શકશે.
આ નવી શરૂ કરવામાં આવેલી સુવિધા વિશે બીએસઈના બીઝનેસ હેડ, મ્યુચ્યુઅલ ફંડ, ગણેશ રામે કહ્યું, “બીએસઈ સ્ટાર એમએફ એવું સૌપ્રથમ મ્યુચ્યુઅલ ફંડ પ્લેટફોર્મ છે, જેણે ઈકેવાયસી સુવિધા શરૂ કરી છે. આ સુવિધા રોકાણકારોને સરળતાથી કામકાજ કરવામાં બહુ ઉપયોગી થશે. ઉચ્ચ સિસ્ટમ્સને પગલે કાર્યક્ષમતામાં વધારો થશે અને સમયની બચત થશે.”
નાણાકીય વર્ષ 2019-20ના મ્યુચ્યુઅલ ફંડ ઉદ્યોગના કુલ નેટ ઈક્વિટી ઈન્ફ્લોમાં બીએસઈ સ્ટાર એમએફનો હિસ્સો રૂ.56,038 કરોડ રહ્યો હતો, જે ઉદ્યોગના રૂ.83,781 કરોડના નેટ ઈક્વિટી ફ્લોના 66 ટકા છે. એપ્રિલ મહિનામાં બીએસઈ સ્ટાર એમએફનો હિસ્સો નેટ ઈક્વિટી ઈન્ફોલોમાં 61 ટકા એટલે કે રૂ.3,806 કરોડ રહ્યો હતો.
