મુંબઈ: મંગળવારે ગોલ્ડ મિનીના ‘ઓપ્શન્સ ઈન ગુડ્સ’ કોન્ટ્રેક્ટમાં બીએસઈએ સૌપ્રથમ ફિઝિકલ ડિલિવરી પાર પાડી હતી. દિલ્હીસ્થિત મેમ્બરે પંજાબના ખરીદદારને ડિલિવરી કરી હતી. ફિઝિકલ ડિલિવરી ગુજરાતના અમદાવાદમાં એક્સચેન્જ દ્વારા નિયુક્ત વોલ્ટ મારફતે આપવામાં આવી હતી. ચાલી રહેલા લોક-ડાઉન વચ્ચે બીએસઈએ આ આખી પ્રક્રિયા સફળતાપૂર્વક પાર પાડી હતી.
બીએસઈએ 1 જૂન, 2020ના રોજ ગોલ્ડ મિની અને સિલ્વર કિલોની સ્પોટ પ્રાઈસીસ આધારિત ઓપ્શન્સ ઈન ગુડ્સ કોન્ટ્રેક્ટ લોન્ચ કર્યા હતા. ટ્રેડિંગ માટેના ગોલ્ડ મિની ઓપ્શન્સ 100 ગ્રામના અને 10 ગ્રામની બેઝ વેલ્યુના છે. 100 ગ્રામના યુનિટ્સમાં અમદાવાદ ખાતેના બીએસઈ નિયુક્ત વોલ્ટ્સ ખાતે ડિલિવરી થાય છે અને ઓર્ડરની મહત્ત્મ સાઈઝ 10 કિલોની છે.
બીએસઈને તેના આ કોન્ટ્રેક્ટ્સને બધા સહભાગીઓ પાસેથી સારો પ્રતિસાદ સાંપડ્યો છે અને બુલિયન ઓપ્શન્સ સેગમેન્ટમાં તે માર્કેટ લીડર છે. આ કોન્ટ્રેક્ટ લોન્ચ કર્યાને મહિનો થયો છે અને ઓપ્શન્સ ઈન ગુડ્સ સેગમેન્ટમાં બીએસઈ ખાતે રૂ.2442 કરોડનું મહત્તમ ટર્નઓવર નોંધાયું હતું.
બીએસઈના ચીફ બિઝનેસ ઓફિસર સમીર પાટીલે કહ્યું”એક્સચેન્જ મિકેનીઝમ મારફત વિના અવરોધ કરવામાં આવતી સંકલિત ડિલિવરી નાના અને મધ્યમ સ્તરના ઝવેરીઓ અને બુલિયન ડીલરો માટે અત્યંત ફાયદાકારક છે. તેઓ માત્ર ભાવના જોખમને નિવારી શકશે એટલું જ નહિ પણ કરારની સમાપ્તિને અંતે ડિલિવરી પણ મેળવી શકશે. ભારતના વિઝનને અનુરૂપ બીએસઈએ તેના કોમોડિટી ડેરિવેટિવ્ઝ પ્લેટફોર્મ માટે ભારત સરકારના બ્યુરો ઓફ ઈન્ડિયન સ્ટાન્ડર્ડ દ્વારા નોટિફાય કરાયેલાં ગુડ ડિલિવરી સ્ટાન્ડર્ડ અપનાવ્યાં છે.
