નવી દિલ્હી- અમેરિકા ફોરેન અકાઉન્ટ ટેક્સ કંપ્લાયન્સ એક્ટ અંતર્ગત ભારતને જે સૂચનાઓ આપી રહ્યું છે તેના આધારે ટેક્સ ઓથોરિટીઝ દ્વારા એક્શન લેવાની શરૂઆત કરવામાં આવી છે. એવા લોકોને નોટીસ મોકલવામાં આવી રહી છે જેના બેંક એકાઉન્ટ્સ અમેરિકામાં છે. આના દ્વારા વિદેશમાં કાળુનાણું છુપાવવાના આરોપોમાં કાર્યવાહી થઈ શકે છે. જે લોકોને આવી નોટીસ મળી છે તેમાં એક મલ્ટીનેશનલ કંપનીના ટોપ રેન્ક એક્ઝિક્યુટિવ્સ પણ છે, જેઓ થોડા વર્ષો પહેલા પાછા આવી ગયા હતા. તેમના પાસેથી બેંક ખાતામાં તેમને મળેલા ડિવિડન્ડ મામલે સ્પષ્ટતા માંગવામાં આવી છે.
અમેરિકામાં કેટલીક નાણાકીય લેવડદેવડ રાખનારા અન્ય સીનિયર એક્ઝિક્યુટિવ્સને પણ ડાયરેક્ટ જનરલ ઓફ ઈન્કમટેક્સ દ્વારા લેટર મોકલવામાં આવ્યા છે. ભારતે FATCA પર દરખાસ્ત કર્યા બાદ સપ્ટેમ્બર 2015માં અમેરિકાથી આ પ્રકારની માહિતીઓની લેવડદેવડ શરૂ કરી હતી. પ્રાપ્ત માહિતી અનુસાર પ્રશ્ન એ છે કે મુખ્યત્વે એવા લોકોના બેંક ખાતાઓમાં ડિવિડંડ, ઈન્ટરેસ્ટ, ઈનકમ અને ડિપોઝિટ્સ સાથે જોડાયેલા છે, જેમણે અમેરિકામાં કેટલોક સમય વિતાવ્યો હતો. જો કે એ વાત સ્પષ્ટ નથી કે આ પ્રકારની કેટલી નોટીસો કેટલા લોકોને મોકલવામાં આવી છે.
